Peð á skákborði auðs í boði Baugs

Það er ótrúlegt hvað þjóðinn hefur látið yfir sig ganga síðastliðin 10 ár. Baugur Group og þeir aðilar sem þar stýrðu hafa gengið um á skítugum skónum nánast yfir allt Íslenskt samfélag og skilið eftir sig djúp sár sem seint munu gróa.  Nú hefur það komið fram að Baugur Group hafi stýrt kaupum á stofnfjárhlutum í Sparisjóði Hafnarfjarðar bakvið tjöldin og er þetta dæmigert siðeysi sem gengið hefur í viðskiptalífinu hér á landi í boði Baugs. 

Maður les það aftur og aftur, dag eftir dag hvernig framkoma þessara manna hefur verið í viðskiptalífinu hér heima.  Þakkar maður bara fyrir að skotvopn séu ekki seld hér í lausasölu eins og þar sem ég hef búið í háttnær 23 ár.

Það mætti halda að stjórnendur Baugs Group væru útungunarvél fyrir einhverja mesta siðvillumenn sem Íslenskt viðskiptalífi hefur alið. Ég segji þetta eftir að hafa lesið fréttir undanfarna daga og vikur þar sem fyrirtæki í eigu Baugs Group eða aðila tengdir þeim koma fram sem leikmenn.

 Hér eru nokkur dæmi:

''Neytendastofa hefur lagt 440 þúsund króna stjórnvaldssekt á Húsasmiðjuna hf. vegna útsölu félagsins. ''

''Samkeppniseftirlitið hefur komist að þeirri niðurstöðu að Hagar, sem eiga og reka Bónusverslanirnar, hafi misnotað markaðsráðandi stöðu sína gegn keppinautum sínum. Með tilliti til mikilla hagsmuna neytenda ákvað Samkeppniseftirlitið að sekta félagið um 315 milljónir króna. Brotið er gegn 11. grein samkeppnislaga en þar er lagt bann við hvers konar misnotkun á markaðsráðandi stöðu.''

''Í greinargerð sem þeir Þórhallur Örn Guðlaugsson og Hilmar Ragnarsson, sendu frá sér saka Teymi um viðskiptasóðaskap.''

 ''Samkeppniseftirlitið ákvað  í dag að leggja þriggja milljóna króna dagsektir á Teymi hf. þar sem fyrirtækið hefur ekki farið að fyrirmælum Samkeppniseftirlitsins um breytingar á stjórn IP-fjarskipta (Tals), sem mælt var fyrir um í ákvörðun til bráðabirgða frá 26. janúar sl.''

''Hæstiréttur staðfesti dóm Héraðsdóms í meiðyrðarmáli Magnúsar Ragnarssonar fyrrum sjónvarpsstjóra Skjás eins gegn 365 miðlum ehf.
Hæstiréttur staðfesti í dag dóma, sem sakborningar í Baugsmálinu hlutu í Héraðsdómi Reykjavíkur.  Tryggvi Jónsson, fyrrverandi aðstoðarforstjóri Baugs, dæmdur í 12 mánaða skilorðsbundið fangelsi fyrir ýmis brot, þar á meðal fjárdrátt, og Jón Ásgeir Jóhannesson, stjórnarformaður Baugs fékk 3 mánaða skilorðsbundið fangelsi fyrir að hafði áhrif á bókhaldslega stöðu almenningshlutafélagsins Baugs.''

''Gruna FL Group um lögbrot. Skattyfirvöld vilja frekari skýringar á nokkrum kostnaðarliðum í rekstri FL Group á árunum 2005-2007 til þess að ganga úr skugga um að hlunnindi starfsmanna félagsins hafi ekki verið skráð sem rekstrarkostnaður. Hlunnindi eru enda skattskyld og því lögbrot ef ekki er greiddur skattur af þeim''

Og svo þetta í dag ''Mál ákæruvaldsins á hendur Jóni Ásgeiri Jóhannessyni, Kristínu Jóhannesdóttur, Tryggva Jónssyni, Baugi Group og Gaums, vegna meintra skattalagabrota, var þingfest í Héraðsdómi Reykjavíkur í dag.''

 

Maður spyr sig hvað kallast þetta annað en SIÐVILLA á hæsta stigi.

 

 

Grein Hjörleifs Jakobssonar sem birt var í Fréttablaðinu síðastliðinn laugardag.

Ég tek mér það bessaleyfi að birta þessa frábæru grein sem birt var í Fréttablaðinu síðastliðinn laugardag og mæli með að allir lesi hana því ég tel að hér hafi Hjörleifur hitt naglann beint á höfuðið.   

  

'' Hví er krónan í gjörgæslu?

Í kjölfar bankahrunsins hafa margir velt vöngum yfir bágri stöðu krónunnar og orsökum hrakfara hennar. Margir vilja kenna bönkunum sálugu um.

Í kjölfar bankahrunsins hafa margir velt vöngum yfir bágri stöðu krónunnar og orsökum hrakfara hennar. Margir vilja kenna bönkunum sálugu um. Því miður verður að grafa dýpra eftir raunverulegum ástæðum núverandi efnahagsstöðu.

Árið 2003 hófust umfangsmestu framkvæmdir Íslandssögunnar með gerð Kárahnjúkavirkjunar og byggingu álvers á Reyðarfirði. Framkvæmdirnar námu nærri þriðjungi landsframleiðslu og voru alfarið unnar með erlendu fjármagni. Við upphaf þessa mikla framkvæmdaskeiðs var ljóst að til mótvægis þyrftu stjórnvöld að draga saman í ríkisrekstri ella ylli svo stór erlend fjárfesting mikilli þenslu, ofrisi krónunnar og skekktri samkeppnisstöðu undirstöðuatvinnugreina, þ.e. sjávarútvegs og iðnaðar. Ríkið brást hins vegar í aðhaldsaðgerðum og valdi þenslutímann til að slaka á í ríkisfjármálum með lækkun tekjuskattshlutfalls, helmingun matarskatts, aflagningu ýmissa annarra skatta og hækkun lánshlutfalls íbúðarlána. Afleiðingin varð sú að frá 2003 til 2007 jókst einkaneysla um nær 40% á föstu verðlagi.

Góða veislu gjöra skal

Þegar árið 2004 brást Seðlabankinn við vaxandi verðbólguþrýstingi með vaxtahækkunum sem jafnframt styrktu gengi krónunnar. Hærra gengi vann á móti verðbólgu skamma hríð með lækkun innflutningsverðs en skapaði falskan kaupmátt sem örvaði einkaneyslu og olli miklu þjóðhagslegu ójafnvægi með viðskiptahalla er nam tugum prósenta af landsframleiðslu. Viðskiptahallinn var síðan fjármagnaður með erlendri skuldasöfnun. Nokkurt hlé varð á þessari þróun 2006 þegar krónan féll og verðbólga hækkaði í 8,5%. Margir vonuðu að hagkerfið væri að ná jafnvægi enda hillti undir lok stóriðjuframkvæmda. Reyndin varð önnur og enn var bætt á eldinn með kosningafjárlögunum 2007 sem sýndu að ríkisstjórn og Seðlabanki reru ekki í sömu átt. Bitlítið úrræði Seðlabankans var að hækka stýrivexti sem voru komnir í 13% í byrjun árs 2007. Með þátttöku okkar í EES undirgengumst við fjórfrelsið, m.a. frjálst flæði fjármagns. Háir stýrivextir vöktu athygli á krónunni og skyndilega streymdu hingað peningar úr öllum áttum til að njóta hins mikla vaxtamunar. Staða útlendinga með krónunni óx úr 100 milljörðum í 800-1000 milljarða. Þetta hjálpaði verðbólgumarkmiðum Seðlabankans um hríð; gengið hætti að veikjast og verðbólguskotið frá miðju ári 2006 gekk að mestu til baka ári síðar. Sökum hárra vaxta hérlendis töldu Íslendingar nú þjóðráð að skulda í erlendri mynt. Fyrirtækin juku erlendar skuldir um 100% og heimilin, sem áður skulduðu eingöngu í krónum, skulduðu skyndilega 100-200 milljarða í erlendum lánum. Skynsamlegt hefði verið á þessum tíma að Seðlabankinn yki gjaldeyrisvaraforðann verulega til að geta mætt flæðisbreytingum á gjaldeyrismarkaði en það var því miður ekki gert.

Blaðran springur

Í ársbyrjun 2008 lá fyrir að dæmið gengi ekki upp. Við höfðum búið við falskan kaupmátt og eytt um efni fram. Við vorum ekki svona rík, gengið var bara vitlaust. Við lifðum á lánum og veislan var á enda. Útlendingar spáðu harðri lendingu. Þeir byrjuðu að fikra sig út úr krónunni og Íslendingar einnig. Of miklu var hlaðið á þessa litlu mynt og Seðlabankinn hafði ekki mótvægisafl. Hrunið var óumflýjanlegt, bara spurning um tíma. Krónan veiktist allt árið 2008 og verðbólgan var á stöðugri uppleið. Innflutningur á varanlegum neysluvörum fraus og byggingariðnaðurinn stefndi í alkul. Við blasti grjóthörð lending íslensks efnahagslífs?… og svo fraus alþjóðlegt fjármálakerfi og íslensku bankarnir urðu úti á berangri.

Það er vandasamt að starfrækja örmynt eins og krónuna og búa við frjálst flæði fjármagns. Stjórnvöld verða að sýna sérstaka aðgæslu til að missa ekki verðbólguna úr böndunum og Seðlabankinn þarf ávallt að hafa nægilegan gjaldeyrisvaraforða til að mæta snöggu flæði úr landi. Séríslensk vísitölutenging lána gerir illt verra. Ríkisstjórn og Seðlabankinn brugðust á sinni vakt og þess vegna býr íslenska þjóðin nú við gjaldeyrishöft.

Íslenskri þjóð og viðskiptalífi er nauðsyn að losa um gjaldeyrishöftin. Þau eru myllusteinn um háls atvinnulífsins og útiloka allar tilraunir um að endurvekja traust á kerfinu. Semja verður við erlenda fjárfesta, sem eiga krónur í kerfinu, um greiðslu í erlendri mynt nú eða seinna. Jafnframt er fullreynt að íslenska krónan sé okkar framtíðargjaldmiðill. Evran og ESB er nærtækasta leiðin en skoða þarf fleiri kosti. Það hjálpar hins vegar í þeirri vinnu að auðveldara er að eiga við krónuna á krepputímum en þenslutímum.

Höfundur er forstjóri Kjalars hf ''

Á að nauðga íslensku þjóðinni eina ferðina enn.

Eftir lestur frétta undanfarna daga verður maður alltaf meira og meira gáttaður á því sem gerst hefur hér á landi. Hér hafa örfáir einstaklinga keyrt allt í þrot og finnst ekkert af því sem þeir hafa framkvæmt koma sér við eða bera á því nokkra ábyrgð. Það ótrúlega við þetta allt saman er að þeir ganga enn allir lausir og með allt það sem þeir hafa stolið úr íslenska bankakerfinu eins og ekkert hafi  gerst. Nú er svo komið að ríkisstjórnin er farin frá og ný komin í staðinn en hún var búin til af forseta ykkar, hurðaopnara fjárglæframanna og klappstýru auðdónanna, Ólafi Ragnari Grímssyni. Hann situr enn á Bessastöðum með 32% atkvæði þjóðarinnar á bak við sig og sendir frá sér skilaboð út í heim þar sem menn standa á öndinni yfir orðum hans og hrista höfuðið, er hann ekki í standi þessi maður. En þetta er allt saman einhver miskilningur, segir hann svo aftur og aftur. Er ekki málið að pakka niður og koma sér til London þeir eru þar allir vinir þínir fjárglæframennirnir sem settu hér allt á hliðina.

Mér blöskrar að sú ríkisstjórn, sem nú situr og var ekki kosin af fólkinu heldur búin til af forseta ykkar, klappstýru auðdónanna, ætlar að taka allt vald í sínar hendur og svipta Alþingi því hlutverki að vera stjórnarskrárgjafi. Þessi nýja ríkisstjórn hyggst gera róttækar breytingar á stjórnarskrá lýðveldisins en ætti umfram allt að umgangst hana af virðingu. Ég vona að þjóðin sé að átta sig á því hvað er að gerast fyrir framan nefið á henni.Annað sem þessi umboðslausa ríkisstjórn stendur nú fyrir, í skjóli valdsins sem forseti ykkar, klappstýra auðdónanna, veitti þeim eru hreinsanirnar í Seðlabanka Ísland. Það gengur svo mikið á að koma einum manni út út bankanum að annað eins hefur ekki sést. Er ekki betra að draga dúpt andann og vanda vinnu sína? Ekkert gott mun leiða af þessu offorsi.

Ekki láta glepjast af þeim áróðri sem gengið hefur yfir landið eins og versta pest í boði Baugsmiðlanna og ástkæru vina þeirra, Samfykingarinnar, sem bar alla ábyrgð á bankamálum landsmanna síðastliðin ár og því meigum við ekki gleyma.

Sjónhverfing í Héraðsdómi Reykjavíkur í boði Baugs.

Það er ótrúlegt að lesa Morgunblaðið í morgun um þann málflutning sem fram fór í Héraðsdómi Reykjavíkur í gær.  Þar var verið að fara yfir kaupin og söluna á bréfum í Sparisjóði Hafnarfjarðar. Hér eru starfsmenn Baugs og nánir félagar Jóni Ásgeir Jóhannessyni í FL Group og Glitni á ferð eina ferðina enn að snýta þjóðinni, þeir Stefán Hilmarsson fyrr um endurskoðanda hjá KPMG sem sá um öll bókhaldsmál Baugs þar á bæ og fyrirtækjum tendum þeim og sem nú starfar sem fjármálastjóri Baugs Group og sérstakur aðstoðarmaður forstjóra Baugs Group í dag , Pámi Haraldsson í Fons og einn eiganda FL Group og Baugs Group og svo má lengi telja, Magnús Ármann einn eiganda FL Group og stjórnarmann í því félagi, Sigurður G. Gujónsson lögmann og náin vin þessara fjárglæframanna og svo Karl Georg lögmann og einn besta vin Magnúsar Ármans tala um að þeir vissu ekki hver var að kaupa og hver var að selja bréfin í Sparisjóðinum og á hvaða gengi þeir voru að kaupa eða selja þessi bréf. Bíddu við hvaðan komu peningarnir fyrir þessum gjörning? Jú frá A - Holding í Lux og hver átti A - Holding ? Gæti það verið Baugur og Jón Ásgeir Jóhannesson?  BINGO mikið rétt. En svona gerast kaupin á Eyrini þó þessir háu herrar reyna að telja okkur hin um annað. En þetta kalla ég  Sjónhverfingu eins og hún gerist best.  

Kaupþing með handveð í Högum.

Getur verið að enn einn snúningur hafi verið tekin á þjóðinni ?  Það kemur fram í Viðskiptablaðinu í dag að um mitt árið 2008 hafi þessir snillingar hjá Baugi stofnað enn eitt fyrirtækið í vibót við öll hin sem þeir eiga en það heitir víst 1998 ehf ( hverning ætli póstkassinn á Túngötu 6 lítur út). Þetta nýja fyrirtæki á að hafa fengið lán frá Hreiðari Má og Sigurði Einarsyni persónulegum vinum sínum í Kaupþing banka. Lán þetta var gefið gegn handveði í Högum og á firsta greiðslan ekki að fara fram fyrr en eftir 2 ár.  Jóhannes Jónsson hefur stafest það opinberlega að þetta félag er ekki í vanskilum enda ekkert skrítið,  það hefur ekki borgað neitt og þarf ekki að borga neitt fyrr en eftir 2 ár. Eru menn ekki heppnir að eiga svona vini ? Þeir geta núna rekið fyrirtækið sitt í 2 ár án þess að þurfa að borga eina krónu í greiðslu fyrir þessi lán, semsagt haldið áfram að ryksuga fé af almenning og stungið þeim í vasann. Nú spyr sá sem ekki veit hvaða fyrirtæki á Íslandi geta farið inn í bankakerfið og gengið út með háar fjárhæðir án þessa að þurfa að greiða fyrir það eina krónu fyr en eftir tvö ár ? Og hver á svo að borga af þessum lánum ef þeir missa þetta út úr höndum sér? Ætli þetta lendir ekki líka á þjóðinni og ekki meigum við gleima því að í hvert skipti sem þú verslar í Bónus þá fara auranir í vasa þeirra feðga en ekki til endurgreiðslu þessara lána sem þeir fengu fyrir 8 mánuðum úr Kaupþing Banka.  Það er ekkert skrítið að Jóhannes Jónsson og fjölskylda geti verið á skíðum í Frönsku Ölpunum þessa dagana en á meðan logar allt hér heima.  

Áskorun til þjóðarinna á Facebook burt með Klappstýru auðdóna.

 Þeir sem vilja nýjan forseta geta staðfest vilja sinn á Facebook undir group "NÝJAN FORSETA

Í ljósi þeirra aðstæðna sem skapast hafa í þjóðfélaginu að undanförnu þar sem eiga sér stað hreinsanir í ýmsum stofnunum lýðveldisins, viljum við að Ólafur Ragnar Grímsson segi af sér og við fáum að kjósa nýjan forseta. Forseti þufi að fá yfir 50% atkvæða (e.t.v. tvær umferðir) og hann sitji í mesta lagi í tólf ár. Þetta gefur möguleika á sátt milli allra þegna okkar ágæta lands. Nú þegar hafa yfir 700 mans skráð sig á síðuna burt með Forseta Íslands hurðaopnari fjárglæframanna og klappstýra auðdóna Ólaf Ragnar Grímsson burt með hann og það STRAX.

http://www.facebook.com/group.php?gid=59174102358#

Forseti Íslands með Baugs syndrome

Það mætti halda að forseti ykkar hurðaopnari fjárglæframanna og klappstýra auðdóna Ólafur Ragnar Grímsson væri með Baugs Syndrome þar að segja HANN KANN EKKI AÐ SEGJA SANNLEIKANN. Þetta er reyndar ekki að koma mér á óvart var búinn að skrifa um þetta áður hann telur allt vera einhver misskilningur (nema hann sjálfur) sem sagt er eftir hann. Hanns framkoma við íslensku þjóðinna í öllu þessu banka og útrásar eða öllu heldur hryngrásarhruni er náttúrulega fyrir neðan allar hellur og tel ég því fyrr sem hann tekur pokann sinn og kemur sér úr landi því betra er það fyrir íslensku þjóðinna.

Á svig við sannleikann

Að lána þrjá milljarða í íbúða kaup.

Maður spyr sig á hvaða lyfjum voru þessir stjórnendur Landsbankans þegar þetta lán var afgreitt. Það fer ekki mikið fyrir þessari frétt í blöðum landsmanna en þetta er náttúrlega algjör geggun. Er fólk að átta sig á því þetta er  þrír milljarðar það eru 3000 milljónir ef þetta er ekki siðblinda á hæsta stigi þá veit ég ekki hvað annað það gæti verið. Hvað var Sigurjón Árnason bankastjóri Landsbankans að huggsa, ég er enn að reyna skilja þetta. Það er ótrúlegt að lesa svo Baugsblöðin það eina sem í þeim er, er Davíð Oddsson þetta og Davíð Oddsson hitt er ekki meira vit í því að spyrja tildæmis Sigurjón hvað gekk eiginlega á í bankanum undir hans stjórn. Nú er verið að tala um að spara í Heilbrigðiskerfinu einhverja milljarða það er dropi í hafi miða við þá tugi eða hundruð milljarða sem munu tapast á útlánastarfsemi íslensku bankana til Baugs fyrirtækjana '' Project Sunrise" sem er víst sérstakt félag (eitt í viðbót við öll hin) er ekki komið nóg af félögum en það félag á víst að sjá um endurreistnar Baugs. Nú segi ég bara  ''Hlevítis fokking fokk''

Ungir og menntaðir (siðlausir) en án reynslu réðu í bönkunum nær öllu.

Þetta er ághugaverð grein sem birt var í Morgunblaðinu á blaðsíðu 12 í dag. Reynsluleysi, (siðleysi en það vantaði eða vonandi gleimdist í greinini) og áhættusækni hrjáðu bankana og flesta þá stjórnedur sem voru á ofurlaunum sem samrýmdist þeirra þekkingu og ábyrgð sem á þá var lagt. Það er allavega það sem þeir tjáðu þjóðinni og hún því miður tók þá trúanlega og það bókstaflega. Eitt vitum við allavega í dag að þetta var ekki allt rétt og það er þetta með ÁBYRGÐINA hún er eingin þeir eru allir farnir til London og búa þar á yfirdrættinum sem þjóðinn þarf nú að borga. Það er ótrúlegt að eitt fyrirtæki hér á Íslandi hafi tekist að ryksuga nánast allt lausafé úr öllum bönkum og lánastofnunum landsins og skiptir ekki máli hve stórir eða smáir þeir voru það er allt farið. Byr tómur, Sparisjóðurinn tómur, VBS tómur og svo má lengi telja. Var öll þjóðinn með glampa í augunum yfir Baugi og Jón Ásgeiri og öllu því bulli sem þeir stóðu fyrir á síðastliðinum 3 til 5 árum.  Hvað var eiginlega í gangi hér heima?  Ég bara spyr.

''Lögreglan á höfuðborgarsvæðinu lýsir eftir''

Lögreglan á höfuðborgarsvæðinu lýsir eftir Hannesi Smárasyni manni ársins 2006 í viðskiptalífinu

samkvæmt niðurstöðu (Jóns Ásgeirs)dómnefndar Markaðarins, viðskiptablaðs (Baugs)Fréttablaðsins.

Gæti þetta ekki verið fyrirsögnin á morgun ? En þessi frétt var í Morgunblaðinu 27.10.2008

''Hannes Smárason, fyrrverandi forstjóri FL Group, sagði í fréttum Stöðvar 2 í kvöld, að hann ætli að leggja sitt fé í að byggja Ísland upp að nýju. Óhætt sé að segja, að of hratt hafi verið farið í útrás íslenskra fyrirtæka og fyrirtæki hafi verið stækkuð án nægilegrar undirbyggingar.

Hannes sagði að illa væri komið fyrir þjóðinni og allir yrðu að leggjast á sveifina og koma henni á fæturna aftur. Hann hefði allar eignir sínar undir í því verkefni.''

Ætli Hannes Smárason sé lost á Tortola eyjum ? 

Ég bara spyr.