Nýjir leigjendur í húsi fyrrverandi höfuðstöðvum Baugs á Túngötu 6.

Þessi frétt var flutt á Stöð 2, 12 apríl síðastliðinn. 

Í sjálfri sér var hún frekar saklaus en það sem kannski vakti athygli mína var að hér átti að koma því til skila að þetta væri sennilega Davíð Oddssyni að kenna (rúða var brotin á Túngötu 6 ) þar sem hann flutti vísu um búshaldabyltingu VG á landsfundi Sjálfstæðisflokksins, en það ætla ég að láta aðra um að ákveða. Það sem vakti mig til umhugsunar var af hverju enginn fréttamaður spurðist fyrir um hver væri þessi aðili sem væri að leigja höfuðstöðvar Baugs, þ.e.a.s hver væri með lyklavöldin að húsinu og hefði aðgang að öllum gögnum Baugs Group.

Þar sem Baugur Group hefur nú verið tekið til gjaldþrotaskipta og mikið atriði að öllu sé haldi þar til haga þá er það mikilvægt að þeir aðilar sem hér eiga í hlut geti ekki '' TEKIÐ TIL EINS OG ÞAÐ ER KALLAÐ Í BÓKUM SÍNUM'' ég tala nú ekki um þegar þær fréttir berast til okkar að þeir Bónus feðgar Jón Ásgeir Jóhannesson og faðir hans Jóhannes Jónsson eru búnir að færa eignir Baugs Group yfir í fjölskyldufyrirtæki þeirra Gaum,  þá er eins gott að passa vel upp á allt það sem þar gæti verið að finna.

Eitt veit ég að Gaumur hefur aldrei verið í neinum rekstri, né í neinni framleiðslu nema kannski að taka snúning á almennum hluthöfum,  þar að segja þegar Baugur var almenningshlutafélag en það kom skýrt kom fram í Baugsmálinu á sínum tíma. Nú lítur út fyrir að sama sagan á að endurtaka sem gekk svo vel upp hjá Bónus feðgum fyrir íslenskum dómstólum hér um árið.

''Skiptastjórar í þrotabúi Baugs Group hafa hafið rannsókn á tilfærslum eigna Baugs yfir til Gaums, eignarhaldsfélags Jóns Ásgeirs Jóhannessonar og fjölskyldu. Um er að ræða skíðaskála í Frakklandi, tvær fasteignir í London og Fasteign í Danmörku.

Eignirnar voru færðar yfir á nafn Gaums síðasta haust.''

Gunnar Sigurðsson, forstjóri Baugs, segir í samtali við Telegraph að ekkert óeðlilegt hafi átt sér stað en Gaumur hafi veitt Baugi lán en skiptastjóri rannsaki öll viðskipti félagsins síðustu mánuðina fyrir fall.

Er verið að gera grín af þjóðinni eina ferðina enn!

Frést hefur að dóttir Forseta ykkar, hurðaopnara fjárglæframanna og klappstýra auðdónanna Ólafs Ragnar Grímssonar, hún Guðrún Tinna Ólafsdóttir gangi þar um eins og hér sé um atvinnustað hennar að ræða, en hún sat í 3ja manna stjórn Haga hf með feðgunum Jóni Ásgeiri og Jóhannesi í Bónus samkvæmt  hluthafaskrá 31.7.2008.

Hér kemur svo fréttin sem flutt var á Stöð 2. 12 mars.

''Rúða var brotin á Túngötu sex, í fyrrverandi höfuðstöðvum Baugs, í gærdag.

Rúðan sem var brotin er á annarri hæð hússins við Túngötu. Þar voru höfuðstöðvar Baugs í fjölda ára, en félagið er gjaldþrota og nýir leigjendur í húsinu. Tilkynnt var um verknaðinn um klukkan fjögur í gærdag en ódæðismaðurinn hljóp á brott þegar hann varð var við að fylgst var með honum.

Að mati lögreglu virðist sem um innbrotstilraun hafi verið að ræða. Þó er ekki hægt útiloka neitt þeim í efnum.

Orð Davíðs Oddssonará landsfundi Sjálfstæðisflokksins koma óneitanlega upp í hugann. Þar ræddi Davíð um búshaldarbyltinguna sem hann sagði ekki hafa beinst að hinum sönnu spellvirkjum íslensks efnahagslífs og bætti svo þessu við:

„Um það orti skáldið. Mannfjöldinn stöðugt á vellinum vex og vex eins og arfi á heyi. Teygist hann kannski upp að Túngötu 6 og tekur þar hús á Baugi."

 

Græðgi þessara manna hefur eyðilagt orðstír heillar þjóðar.

Heilbrigð skynsemi óskast

Athugasemdir

[Viðar Ingvason (IP-tala skráð) 19.4.2009 kl. 02:18]

Enginn vafi er á því að Davíð og Halldór bera mesta ábyrgð á þvi hvernig komið er fyrir Íslandi.

Brask Jóns Ásgeirs og allra hinna auðmannana hefur grafið undan Íslensku samfélagi. Afleiðingarnar eru þær sömu og skipulögð glæpastarfsemi og kúgun þjóða leiðir af sér. Stoðir samfélagsins morkna niður og almenningi blæðir. Sagan segir okkur að ferlið endar í blóðugri byltingu. Því þarf að grípa til aðgerða tafarlaust og snúa ferlinu við. Það gerist með því að endurreisa réttarkerfið og aðrar opinberar stofnanir. Stuðla að siðbót. Gefa aðilum kost á að bæta fyrir brot sín að svo miklu leiti sem þeir eru færir um það og biðjast afsökunar. Að því loknu þarf að fyrirgefa þeim. Þá er hægt að hefja uppbyggingu.