Flókin eignatengsl á íslandi.

Þjóð komin á heljarþröm


Á undanförnum árum hafa skattayfirvöld hvað eftir annað vakið athygli á þeirri nauðsyn að gagnsæi sé í öllu regluverkinu og að skatturinn fái allar upplýsingar. Þegar heil þjóð er komin á heljarþröm er það eins og köld vatnsgusa að samt skuli haldið í leynd gagnvart skattyfirvöldum.

 
 Leyndin er, og hefur verið, meginvandamálið. Fjölmargir eiga félög og fyrirtæki erlendis og það er ekkert athugavert við það meðan viðkomandi aðilar gera grein fyrir því á framtölum sínum.
 
Annað mál er svo: Af hverju eru menn að stofna fyrirtæki erlendis sem einungis virðist vera geymsla á óskilgreindum eignum.
 
Í stjórnir slíkra fyrirtæka setjast þeir jafnvel ekki sjálfir heldur sest fulltrúi banka ásamt einhverjum tveimur öðrum fulltrúum, jafnvel eru það félög sem sitja í stjórnum slíkra félaga. Enginn utanaðkomandi og þar með talið skattyfirvöld vita fyrir hverju þessi félög standa og hvað fer fram í þeim.
 
Þarna getur skapast aðstaða til brota gegn skattalögum, samkeppnislögum og fleiru ef menn eru innstilltir á slíkt. Það verður því að lyfta þessum huliðshjálmi eða spyrna við fæti með öðrum aðgerðum, eins og verið er að gera á alþjóðavettvangi. 


 
Flókin eignatengsl


Árið 2004 gerðum við Indriði H. Þorláksson og Snorri Olsen úttekt á þessu í skýrslu um umfang skattsvika og það var niðurstaða okkar að þarna væri um gríðarlega fjármuni að ræða. Það er erfitt að slá á tölu en það er alveg ljóst að þetta eru milljarðar, jafnvel tugir milljarða.«
 

Hvaða einstaklingar eiga í hlut? 
 

Almennt séð eru þetta ekki venjulegir launþegar. Þetta eru athafnamenn, en ótrúlega margir slíkir tóku þátt í útrásinni og eiga mörg félög. Það er erfitt að skilja flóruna í þessum félögum því þar eru gríðarlega flókin eignatengsl.
 
Í greiningu hjá Ríkisskattstjóra hefur komið í ljós að menn eiga til dæmis í félagi A og B og síðan á félag B í félagi A og síðan í félagi C og koll af kolli. Það virðist ekki vera nein heildstæð brú í þessu og þær spurningar vakna hvort þetta flækjustig sé til þess að fela eitthvað, ekki endilega einungis gagnvart skattyfirvöldum heldur líka fyrir samkeppnisaðilum eða meðeigendum.
 
Það sýndi sig á árum áður að enginn vissi hver átti fyrirtækið Fjárfar, sem kom við sögu í Baugsmálinu.
 
Fyrir nokkrum árum vissi enginn hver átti Fréttablaðið. Voru þetta óeðlilegir viðskiptahættir? Verðum við ekki að gera þá kröfu til manna sem eru í viðskiptum að þeir hafi almennt gagnsæi og gott siðferði að leiðarljósi.«
 

Heldurðu að það hafi verið nauðsynlegt að verða fyrir áfalli eins og í haust til að tekið væri á þessu umhverfi? Hefðu menn ekki bara haldið áfram eins og ekkert væri eins lengi og þeir hefðu komist upp með það? 
 

Ef þetta er rétt ályktun hjá þér er það mjög nöturlegt að heil þjóð þurfi að fara á hnén til að menn sjái að sér. Og jafnvel þótt þjóðin sé komin á hnén eru menn samt að reyna að koma í veg fyrir gagnsæi. 
 

Hvernig er að standa í baráttu eins og þessari? 
 

Afar margir eru ánægðir með að skattyfirvöld séu að knýja fram gagnsæi. Skattyfirvöld hafa í aðalatriðum tvö meginmarkmið: að tryggja að allir greiði rétta skatta og gera það eins auðvelt og þægilegt og unnt er að telja rétt fram. Seinna markmiðið er komið vel áleiðis, og vonandi tekst á næstu tveimur árum, að gera skil skattframtala þannig að jafnvel 50-60 prósent þjóðarinnar þurfi ekkert annað að gera en að staðfesta framtalið. Hitt markmiðið, að allir greiði rétta skatta er aðalmarkmiðið en bæði flóknara og erfiðara. Þar verða menn að knýja á um gagnsæi og tryggja að eftirlit sé virkt. 

 
 
Því miður held ég að á komandi árum muni samfélag okkar líða fyrir græðisvæðinguna.
 
 

Græðgi þessara manna hefur eyðileggi orðstír heillar þjóðar.

Heilbrigð skynsemi óskast.

Njótið dagsins. 

Morgunblaðið í dag Sunnudaginn 22 Mars. Mogginn klikkar ekki.

Það er ekki hægt að segja annað en að Morgunblaðið er að standa sig (gæti ekki hugsað það til enda ef ekki væri Mogginn). Að vanda er Morgunblaðið fullt af fróðleik og fór svo að allur morguninn fór í að lesa hann, en upp úr stóðu nokkrar greinar sem er algjör skyldulesning og vil ég benda á þær greinar hér.

Grein Þórð Snæ '' SVONA SELDI RÍKIÐ BANKANA'' hér kemur fram góð lýsing á því hvernig kaupin gerast á eyrinni. Pælið í því Landsbankinn fór á c.a. 23 Milljarða en Samson hópurinn fékk 45,8 prósent á 11,2 milljarða króna (það var verið að borga arð til Byr hluthafa samtals 13 Milljarða króna).

 Næsta grein sem þið verðið að lesa er á blaðsíðu 10 ''Fíll í póstulínsverslun'' eftir Agnesi Bragadóttur. Þar tekur hún fram að það sé algjört lykilatriði að Fjármálaeftirlitið fái ÖLL GÖGN til að geta rannsakað bankahrunið því þjóðin verður aldrei sátt við annað.

Eins vil ég benda á grein Agnesar á blaðsíðu 20 '' SAMEINUÐ SAMFYLKING EN HVERSU LENGI ''  það er mikið til í því sem þar kemur fram. Ef hún Jóhanna Sigurðaradóttir á að ná utan um þessa loftbólu eins og formaður Framsóknar sagði hér fyrir nokkru þá tel ég að allt það góða fólk sem í Samfylkinguni er fari með bænir á hverju kvöldi því hún þarf á öllum þeim styrk og bænum sem hún getur fengið, ég óska henni alls hins besta í þessari baráttu um að halda utan um þessa hjörð.

Svo er það algjör skildulestning grein 'SKOÐUN EINARS MÁ '' BARÓNAR ALLRA LANDA'' blaðsíðu 30.  Maðurinn er náttúrlega snillingur með pennann og allt það sem fram kemur í þessari grein er Ísland í hnotskurð. Guð blessi Ísland sagði ég bara eftir þann lestur.

 Leiðari Moggans '' PENINGAR ANNARRA'' þar hitti hann naglann á höfuðið, hér þarf ríkisstjórnin og skilanefndar bankanna að vanda vinnu sína og hafa allt upp á borðinu. Margeir Pétursson sagði það svo rétt, bankar sem hefðu verið hér heima í viðskiptum áratugum saman og lánað fyrir gífurlegum umbótum og nú sætu þeir eftir með sárt ennið, við verðum að sinna þessum aðilum þar sem við þurfum á þeim að halda það er á hreinu.

Reykjavíkurbréfið er gott að vanda og margt sem þar kom fram er rétt og nú þarf þjóðin að hugsa sinn gang vel og fara í naflaskoðun. Þjóðinn hefur krafist uppgjörs og að nýtt fólk verði við stjórn þjóðarskútunnar, og þá spyr maður sig hvað hefur breyst jú það er búið að taka til í Framsóknarflokknum eins er búið að taka til í Sjálfstæðisflokknum búið að skipta um stjórn í Seðlabankanum. Hvað er þá eftir jú bæði Samfylkingin og VG eru enn að hjakka í sama farinu sama fólkið og eingin stefna jú fyrirgefðu HÖFT OG SKATTAHÆKKANIR er það sem okkur vantar núna?

Ekki vil ég gleyma að minnast á forsetann því í Mogganum í dag er grein eftir Bergsvein Guðmundsson '' EMBÆTTISFERILL FORSETA ÍSLANDS''  á blaðsíðu 48. Takk fyrir þessa grein Bergsveinn ef ég á að vera hreinskilinn þá brá mér dálítið því ég hélt að ég væri að verða galinn þar sem ég var með það á hreinu að ekki hafði ég sent neina grein til Moggans í vikunni. Hún er nákvæmlega það sem ég er búinn að vera hugsa í margar vikur. 

En svona er Ísland í dag.

 

 

Heilbrigð skynsemi óskast.

Njótið dagsins. 

Verður að lyfta huliðshjálminum Skúli Eggert Þórðarson ríkisskattstjóri

Ríkisskattstjóri talar mannamál í morgunblaðinu í dag, Laugardaginn 21.mars 2009, og það er athyglisvert að hann skuli taka Leynifélag Baugsmanna - Fjárfar ehf. - og svo hið falda eignarhald á Fréttablaðinu á sinum tíma sem dæmi um hversu langt menn ganga að fela eignarhald og villa um fyrir skattyfirvöldum og öðrum yfirvöldum..
 
.ég hvet ALLA til að skoða myndband nr.2 hérna sem fjallar einmitt um leynifélagið Fjárfar ehf. sem verður að teljast eitt best heppnaðasta og mest undirbúna svindl íslenskrar viðskiptasögu !!!

En leyfum æðsta embættismanni íslenska skattkerfisins að tala en hann segir m.a.:
 
"Þegar manni blöskrar verður leiðari eins og þessi til. Maður telur sig knúinn til þess að tala tæpitungulaust um þau öfl sem skattkerfið á við að etja.
 
Ég verð að viðurkenna að bæði mér og samstarfsmönnum mínum hjá Ríkisskattstjóra hefur þótt með ólíkindum hvað menn hafa verið að aðhafast samkvæmt því sem upplýst hefur verið undanfarið,« segir Skúli Eggert Þórðarson ríkisskattstjóri um harðorðan leiðara sem hann skrifaði ásamt Ingvari J. Rögnvaldssyni vararíkisskattstjóra í blaðið Tíund, sem gefið er út af embætti Ríkisskattstjóra.
 
Í leiðaranum er vitnað til þess að í fjölmiðlum sé því haldið fram að Íslands sjálftökumenn hafi leikið lausum hala og sagt að ef ekki náist tekjur og eignir úr skattaskjólum ásamt því að eignir bankanna standi undir skuldbindingum muni almenningur sem enga ábyrgð bar á bankahruninu þurfa að greiða aukna skatta vegna afdrifaríkra meðferða fjármuna nokkurra tuga manna sem höfðu yfir sér huliðshjálm bankaleyndar og skattaskjóla.

Græðgi þessara manna hefur eyðileggi orðstír heillar þjóðar.

Heilbrigð skynsemi óskast.

Njótið dagsins. 

Nýir tímar - aukin samkeppni

HérLáta vin vita

 Þessi grein birtist í Morgunblaðinu í dag eftir Páll Rúnar Mikael Kristjánsson. Þar sem ég tel að hér sé um mjög alvarlegt mál að ræða ætla ég að taka mér það bessaleyfi að birta hana hér ykkur öllum til lestur. Sú fákeppni sem hér er getur ekki gengið lengur og þetta þarf að laga og það STRAX .  

Nýir tímar - aukin samkeppni

MIKLAR umræður hafa verið um hvaða sjónarmið skuli höfð að leiðarljósi við endurreisn íslensks viðskiptalífs. Sitt sýnist hverjum en flestir eru þó sa...

 

MIKLAR umræður hafa verið um hvaða sjónarmið skuli höfð að leiðarljósi við endurreisn íslensks viðskiptalífs. Sitt sýnist hverjum en flestir eru þó sammála um að varhugavert sé að snúa aftur til fyrra horfs. Eitt af því sem mikið er rætt eru samkeppnissjónarmið og hvernig stuðla megi að kröftugri samkeppni á mikilvægum mörkuðum.

 

Það er öllum ljóst að öflug og virk samkeppni er þjóðhagslega hagkvæm og neytendum í hag. Út frá því má svo gagnálykta sem svo að fákeppni og hringamyndun sé þjóðhagslega óhagkvæm og neytendum í óhag. Það er því gríðarlega mikilvægt að sporna við þeirri fákeppni og blokkamyndum sem orðið hefur á ákveðnum sviðum í íslensku samfélagi. Þetta sjónarmið er grunnforsenda þess að reisa megi hér heilbrigt viðskiptalíf landsmönnum öllum til hagsbóta.

 

FÍS fagnar því yfirlýsingum Gylfa Magnússonar viðskiptaráðherra í utandagskrárumræðu, sem fór fram að frumkvæði Ástu Möller, á Alþingi hinn 24. febrúar síðastliðinn og sjónarmiðum hans í grein í Morgunblaðinu hinn 13. mars síðastliðinn. Þar staðfestir ráðherrann að samkeppnissjónarmið verði sett á oddinn við endurreisn íslensks atvinnulífs auk þess sem hann bendir á að það sé ekki ráðlegt að endurreisa í óbreyttri mynd þau viðskiptaveldi sem nú eru fallin. Með slík sjónarmið að leiðarljósi munu hér rísa virkir og öflugir markaðir þar sem aðilar takast á með lögmætum hætti á jafnræðisgrundvelli. Þar með næst aukin þjóðhagsleg hagkvæmni og bættur hagur neytenda. Því ber vissulega að fagna.

 

Það er aðeins með samkeppni, jafnræði og gagnsæi að leiðarljósi sem hér mun takast að reisa öflugt og skilvirkt viðskiptalíf. Að endurskapa fyrri mistök og óskilvirka markaði er valkostur sem ekki kemur til greina. Nýir tímar verða að færa þjóðinni aukna samkeppni og bættan hag.


>> FÍS fagnar því að samkeppnissjónarmið verði sett á oddinn og að gömul viðskiptaveldi verðir ekki endurreist í óbreyttri mynd

Höfundur er lögmaður Félag íslenskra stórkaupmanna.

Páll Rúnar Mikael Kristjánsson.

 

Heilbrigð skynsemi óskast.

Njótið dagsins. 

Loksins koma jákvæðar fréttir

Það var ánægjulegt að lesa Morgunblaðið í morgun því á forsíðu blaðsins var frétt um að hér gætu skapast 300 ný störf ef að verður af þessu samstarfi Salt Investment og Mayo Clinic. Hér á landi er  til fullt af góðu fólki með góða mentun sem getur nýst vel í uppbyggingu og skapað góðar tekjur fyrir landið. Ég óska þeim alls hins besta í þessu verkefni og vona að þetta fari af stað sem first.  

Gætu orðið til 300 störf

Þurfa líklega að afskrifa tveggja milljarða lán til lykilstarfsmanna Baugs

Þetta eru ótrúlegar fréttir, hér er verið að tala um 2000 milljónir, hvað var aftur verið að tala um að eigi að spara í heilbrigðismálum þjóðarinna?

Á hvaða sér samning voru þessir menn hjá Kaupþing banka.

 Hér er frétt sem birt var á visir.is

Andri Ólafsson skrifar:

Kaupþing þarf að öllum líkindum að afskrifa tæplega tveggja milljarða króna lán til félags í eigu lykilstarfsmanna Baugs. Sama félag lánaði lykilstarfsmönnunum þrjá og hálfan milljarð króna. BGE er eignarhaldsfélag í eigu eigenda og lykilstarfsmanna Baugs.

Stærstu hluthafarnir eru Jón Ásgeir Jóhannesson fyrrverandi starfandi stjórnarformaður Baugs, Gunnar Sigurðsson forstjóri, Stefán Hilmarsson fjármálastjóri og Skarphéðinn Berg Steinarsson, fyrrverandi

BGE á engar aðrar eignir til að standa straum af láninu og Kaupþing neyðist því að öllum líkindum til að afskrifa það. Fréttastofa hefur ekki upplýsingar um hvort að lánið liggi í gamla eða nýja Kaupþingi.

Heilbrigð skynsemi óskast.

Góða kvöldstund.

Sigurður Einarsson staðfestir fréttir af Kaupþingi

Trúnaðar- gögnum stolið frá Kaupþingi og beitt af óprúttnum aðilum er maðurinn ekki í standi, allt bankakerfið á Íslandi hrundi!!!!

Getur ekki einhver sagt honum það.

En fyrst hann segir að þetta sé  byggt á trúnaðargögnum sem hann telur að leynd eigi að ríkja um þá jafngilda það staðfestingu hans á að þetta sé allt satt og rétt þær fréttir sem fluttar voru á mbl !Stórar lánveitingar Kaupþings til bresk-íranska viðskiptamannsins Roberts Tchenguiz brutu hugsanlega gegn reglum um stórar áhættuskuldbindingar fjármálafyrirtækja. 30. júní 2008 voru útistandandi lán Kaupþings til Roberts Tchenguiz og félaga í hans eigu 230,2 milljarðar króna. Eiginfjárgrunnur bankans 30. júní var 582,9 milljarðar króna.
frétt af mbl.isSigurður Einarsson var sæmdur heiðursmerki hinnar íslenzku fálkaorðu, riddarakrossi árið 2007.Ári seinna eða 2008  fékk Jón Ásgeir Jóhannesson útflutningsverðlaun forseta Íslands. Maður spyr sig fyrir hvaða útflutning? Útflutninga á peningum úr landi? - eða fyrir að flytja sjálfan forsetann út í einkaþotu sinni?Þetta sýnir að forsetinn er vanhæfur og á að víkja. Af hverju er potta og pönnuliðið ekki að mótmæla fyrir utan Bessastaði og krefjast þess að forseta Íslands  hurðaopnara fjárglæframanna og klappstýra auðdónanna, Ólafur Ragnar Grímsson axli ábyrgð og víki?

Það verður aldrei sátt í samfélaginu fyrr en forsetinn axlar sína ábyrgð á öllu sukkinu og víkur úr embætti.

 

Græðgi þessara manna hefur eyðileggi orðstír heillar þjóðar.

Heilbrigð skynsemi óskast.

Njótið dagsins. 

Logos og Baugur taka 2.

Orðið á götunni er að tengsl lögmannsstofunnar Logos við Baug og önnur félög Jóns Ásgeirs Jóhannessonar séu nánari en fram hefur komið. Þessi tengsl vekja spurningar um hæfi starfsmanns á lögmannsstofunni til að fjalla á óhlutdrægan hátt um þá gífurlegu fjárhagslegu hagsmuni sem í húfi eru þegar Baugur er tekinn til skipta.

 

Eftirfarandi má lesa (enn) á heimasíðu Baugs Group:  http://www.baugurgroup.is/Um-Baug-Group/Starfsfolk

Kristín Þorsteinsdóttir starfar sem verkefnastjóri á Kynningarsviði Baugs. Kristín hóf starf hjá Baugi í október 2007 og sér um verkefni tengd samfélagslegri ábyrgð Baugs.  Kristín hefur undanfarið starfað sem fjölmiðlafulltrúi Baugs Group.

 

Kristín Þorsteinsdóttir er eiginkona Skafta Jónssonar.  Skafti Jónsson er bróðir Gests Jónssonar .. en Gestur Jónsson er lögmaður Jóns Ásgeirs.  Skafti Jónsson og kona hans eiga son,  hann heitir Jón Skaftason.

http://www.logos.is/Index/Starfsfolk/Sjananar//115

Hjá LOGOS starfar Jón Skaftason, laganemi sbr. eftirfarandi uppl. af heimasíðu LOGOS, en ekki skal sagt neitt um það hvursu algent það er að laganemar séu ráðnir hjá stofum eins og LOGOS.

(faðir Skafta og Gests var Jón Skaftason fyrv. sýslum.).

Heilbrigð skynsemi óskast.

Njótið dagsins. 

Er hægt að segja sannleikann ? LOGOS stýrir einu stærsta þrotabúi Íslandssögunnar.

Ætlar þjóðinn virkilaga að láta þetta yfir sig ganga ?  Ég skora á lögmannastéttina og almenning að mótmæla þessari ákvörðun og það STRAX. Erlendur Gíslason, lögmaður hjá lögmannsstofunni Logos, hefur verið skipaður skiptastjóri þrotabús Baugs Group, en félagið var lýst gjaldþrota í Héraðsdómi Reykjavíkur. 

Gera má ráð fyrir að gjaldþrot Baugs sé með stærstu gjaldþrotaskiptum Íslandssögunnar. Aðspurður segist Erlendur ekki hafa verið skiptastjóri þrotabúa undanfarin ár, en hann hafi komið að skiptum sem fulltrúi kröfuhafa og unnið að öðrum hliðum gjaldþrotamála.

 Völd og verkefni skiptastjóra

Þrotabú tekur við öllum réttindum og skyldum félags þegar það er tekið til gjaldþrotaskipta. Samkvæmt lögum um gjaldþrotaskipti fer skiptastjóri einn með forræði þrotabús og er einn bær til að ráðstafa hagsmunum og svara fyrir skyldur þess meðan á gjaldþrotaskiptum stendur.  

 

Skiptastjóri kemur fram af hálfu búsins fyrir dómi og gerir samninga í nafni þess. Skiptastjóri tekur ákvarðanir um hvernig eignum og réttindum þrotabúsins er ráðstafað, þar á meðal hvernig og hverjum þær eru seldar og á hvaða verði. Hann starfar samt í umboði kröfuhafanna. Ef þeir eru ósáttir við meðferð skipta geta þeir leitað réttar síns í samræmi við það. Skiptastjóri heldur fundi með kröfuhöfum þar sem farið er yfir ráðstöfun eigna þrotabúsins.

 

Þá kemur fram hjá LOGOS, að Jakob R Möller, aðstoðarmaður í greiðslustöðvun Stoða hf., þar sem Baugur og tengdir aðilar hafa verið stærstir hluthafar sé sjálfstætt starfandi lögmaður í samstarfi við LOGOS, auk þess séu Stoðir ekki Baugur og þau mál tengist ekki neitt.

Þessi mynd fylgdi frétt á Visir.is í lok árs 2007.  

 

 

 

Æðstu menn FL Group voru í þungum þönkum á fundinum í gærkvöld. Hér má sjá Jón Ásgeir Jóhannesson, Þorsteinn M. Jónsson og Hannes Smárason ræða við lögfræðinginn Gunnar Sturluson, einn eiganda Logos, en fundurinn fór fram á lögmannsstofu þeirra.

 http://www.baugurgroup.is/Pages/350?NewsID=495 

03.7.2005

 ,,Aðalfundur félagsins, sem haldinn var 11. mars sl., komst að þeirri niðurstöðu að rannsókn lögreglu væri ekki í þágu félagsins sjálfs, hluthafa þess, starfsmanna né lánardrottna. Á grundvelli ályktunarinnar og í ljósi afdráttarlausrar niðurstöðu í lögfræðilegri álitsgerð Jónatans hefur stjórn Baugs Group hf. ákveðið að krefja íslenska ríkið um skaðabætur vegna þess tjóns sem fyrirtækið hefur orðið fyrir af völdum lögreglunnar.  Hefur Hákoni Árnasyni, hrl., og samstarfsmönnum hans hjá lögfræðifirmanu LOGOS verið falið að annast um þann málarekstur fyrir hönd félagsins og er undirbúningur málshöfðunar þegar hafinn.” 

Heilbrigð skynsemi óskast.

Njótið dagsins. 

 

  

Stjórnendur Baugs í nýjum rekstri

Samkvæmt upplýsingum sem lagðar voru fram hjá fyrirtækjaskráningu í Bretlandi kemur fram að félagið Tecamol hafi verið stofnað þann 25. febrúar sl. Kemur fram á vef Retail Week að talið sé að Jón Ásgeir Jóhannesson, stjórnarformaður Baugs Group, komi að fyrirtækinu.

 

Jón Ásgeir Jóhannesson hefur selt einkaþotu sína og 50 metra langa Hessen snekkju, að því er kemur fram í viðtali, sem Sunday Times birtir á morgun.

 

Nú spyr sá sem ekki veit, HVER ER KAUPANDINN AF ÞESSARI SNEKKJU OG EINKAÞOTU JÓNS ÁSGEIRS EÐA ÖLLU HELDUR ÞJÓÐARINNAR. 

Margar sjónhverfingar hef ég séð og það kæmi mér ekki á óvart að við eigum eftir að sjá nokkrar í viðbót frá þessum mönnum, þetta eru vanir menn og kunna sitt fag.

 

Heilbrigð skynsemi óskast

Góða helgi.

Jón Ásgeir selur snekkju og flugvél