Kafbátastarfsemin heldur áfram hér heima. Skilanefnd Spron selur eignir með tölvupósti til útvaldra !!!!!!!!!

Skilanefnd Spron hefur sent út tölvupóst til örfárra aðila þar sem hún óskar eftir tilboðum í hugbúnaðarfyrirtæki í sinni eigu. Ekkert formlegt söluferli fór fram. Er ekki komið nóg af þeirri kafbátastarfsemi sem hér hefur verið við lýði undanfarin ár.

 Hvenær ætlum við að taka okkur saman í andlitinu og og hafa allt upp á borðinu. 

 Samfylkingin og VG  hefði getað haft flokksráðs- og flokksstjórnarfundi sína fyrir opnum tjöldum, ég hélt að almenningur ætti að taka þátt í Nýja Íslandi það var allavega það sem þjóðin bað um ekki rétt?

 Í staðinn var farin sú leið að flokksfólk, innvígt og innmúrað, fékk eitt aðgang og algjör leynd hvílir yfir umræðunum.

 Þau hefðu getað gert það með því að hafa flokksráðs- og flokksstjórnarfundi sína fyrir opnum tjöldum og boðið fjölmiðlum inn og sent þetta út í beinni til þjóðarinnar hún á það skilið.

Stjórnvöld og opinberar stofnanir eins og ríkisbankarnir eigi að upplýsa þjóðina um gang mála eins búið var að lofa.  

 

Nýtt Ísland og heilbrigð skynsemi óskast.

 

Athugasemdir

[Sturla Böðvarsson (IP-tala skráð) 14.5.2009 kl. 00:46]

Hvað ert þú að vilja upp á dekk? Ertu svekktur að hafa ekki fengið tölvupóst vegna SPRON?

Varstu ekki að fara að opna verslun? Eða ertu orðinn blaðamaður?

Hættu að blaðra og farðu að gera eitthvað að viti.

Heilbrigð skynsemi kemur ekki eftir óskum, heldur hugsun!

[Gisli (IP-tala skráð) 14.5.2009 kl. 08:11]

vodalega er tessi Sturla eitthvad illur.  Var honum bodid kannski tetta a spottprís.  Nei haldu afram ad blogga Jón og ekki hlusta a svona leidindapuka eins og tennan Sturlu sem  greinilega  hefur eitthvad ad fela.

[corvus corax, 14.5.2009 kl. 09:02]

Sturla Böðvarsson??? Hljómar kunnuglega ...eða hvað?

[B.N. (IP-tala skráð) 14.5.2009 kl. 09:47]

Hvar er stjórnarandstaðan í þessu máli eins og í mörgum öðrum ?Jú hún hefur lofað trúnaði vegna ESB umsóknar frumvarpið enda kemur það okkur ekkert við meðan þeir allir hönda með þetta mál sín á milli bak við tjöldin. Já nú man ég hvar er Borgarahreyfingin sem ætlaði að passa að láta heyra í sér við hvert það fótmál sem boðaði þöggun sem dæmi?Ég verð að segja ykkur í trúnaði að ég hef ekki lengur nokkra trú á að Íslendingar geti komið á lýðræðislegum umbótum þeir hafa það ekki í sér að standa saman og við vitum hvað það þýðir,,Sameinaðir stöndum við og sundraðir föllum vér''

Baldvin Nielsen Reykjanesbæ

[Kolla (IP-tala skráð) 14.5.2009 kl. 15:34]

Takk fyrir að standa vaktina Jón. Það þurfum við öll að gera.

[B.N. (IP-tala skráð) 14.5.2009 kl. 18:35]

Jæja þá er búið að birta ESB væntingarnar opinberlega. Ég á erfitt með að trúa að þetta sé rétta plagið því ef þetta fer svona inn á borð hjá þeim í Brussel verður bréf sent til baka fljótlega og okkur tilkynnt að ESB hafi ekkert við okkur að tala.  Að senda bréf og óska eftir umsókn um aðildarviðræður á þessum grunni gengur ekki upp fyrir ESB.

Baldvin Nielsen Reykjanesbæ

Drög að þingsályktun um aðildarumsókn hafa verið birt.

//

Innlent | mbl.is | 14.5.2009 | 17:15

ESB-tillagan birt

,,Alþingi samþykkir að ríkistjórnin leggi inn  umsókn um aðild að Evrópusambandinuog að loknum viðræðum við sambandið verði haldin þjóðaratkvæðagreiðsla um væntanlegan aðildarsamning." Þannig hljóða drög að þingsályktunartillögu, sem utanríkisráðuneytið hefur nú birt á vef sínum.

Um er að ræða tillögudrögin, sem voru kynnt á fundi forystumanna stjórnmálaflokkanna í gær og á fundum Össurar Skarphéðinssonar, utanríkisráðherra, með formönnum Sjálfstæðisflokks og Framsóknarflokks og fulltrúa þinghóps Borgarahreyfingarinnar í dag.

Í greinargerð með tillögunni segir, að tillaga um aðildarumsókn til ESB sé lögð fram til þess að íslenska þjóðin fái tækifæri til að hafna eða samþykkja samning um aðild að Evrópusambandinu þegar hann liggur fyrir.

„Umsókn að ESB jafngildir þannig ekki aðild enda er það íslensku þjóðarinnar að komast að endanlegri niðurstöðu hvað hana varðar. Samhliða verði lagt fram frumvarp til laga um þjóðaratkvæðagreiðslur um mikilvæg mál sem ríkisstjórn eða Alþingi ákveði að leggja fyrir þjóðina. Tillaga um umsókn og frumvarp til laga um þjóðaratkvæðagreiðslur verða lögð fram samhliða á vorþingi.

Víðtækt samráð verður haft við hagsmunaaðila um samningsmarkmið fyrir viðræðurnar á ýmsum sviðum, s.s. sjávarútvegs, landbúnaðar- og byggðamála, á sviði almannaþjónustu, umhverfis- og jafnréttismála og gjaldmiðilsmála og leitast við að ná sem breiðastri samstöðu um umræðugrundvöll viðræðnanna. Skoðað verður hvort unnt sé að ná fram samstarfi í gjaldmiðilsmálum samhliða viðræðum um hugsanlega aðild til að styðja við gengi krónunnar. Áhersla er lögð á opið og gagnsætt ferli og reglubundna upplýsingagjöf til almennings og hagsmunaaðila.

Fagleg viðræðunefnd við ESB verður skipuð af ríkisstjórn Íslands. Henni til fulltingis verður breiður samráðshópur fulltrúa hagsmunaaðila sem nefndin leitar ráðgjafar hjá, og upplýsir jafnóðum um framvindu viðræðna.   Ísland sem Evrópuþjóð vill leggja sitt af mörkum við uppbyggingu lýðræðislegrar Evrópu sem grundvallast á félagslegu réttlæti, jafnrétti og virðingu fyrir manngildi og umhverfi. Hlutverk Evrópu er að vera hornsteinn mannréttinda í heiminum og ýta undir stöðuleika, sjálfbær þróun, réttlæti og velmegun um allan heim.

Stjórnvöld áskilja sér rétt til að mæla með eða leggjast gegn samningnum þegar hann liggur fyrir enda eru settir margvíslegir fyrirvarar við hugsanlegan stuðning við málið.

Meðal grundvallarhagsmuna Íslands eru:

• Að tryggja forræði þjóðarinnar yfir vatns- og orkuauðlindum og ráðstöfun þeirra
• Að tryggja forræði þjóðarinnar yfir fiskveiðiauðlindinni, sjálfbæra nýtingu auðlindarinnar og hlutdeild í deilistofnum og eins víðtækt forsvar í hagsmunagæslu í sjávarútvegi í alþjóðasamningum og hægt er.
• Að tryggja öflugan íslenskan landbúnað á grundvelli fæðuöryggis og matvælaöryggis 
• Að tryggja lýðræðislegan rétt til að stýra almannaþjónustu á félagslegum forsendum
• Að standa vörð um réttindi launafólks og vinnurétt.

Alþingi meti hvort setja skuli sérstaka Evrópunefnd Alþingis með fulltrúum allra stjórnmálaflokka er fari með samskipti við viðræðunefnd vegna ESB, en viðhorf stjórnarflokkanna er að það sé heppilegt."

 

[B.N. (IP-tala skráð) 17.5.2009 kl. 13:14]

Sendi þessa frétt hér fyrir neðan sem ég fann á ruv.is þessi frétt staðfestir það sem ég segi hér fyrir ofan að ég hafði rétt fyrir mér að upphaflega plaggið er bara byrjunin til þess að villa  um fyrir þjóðinni.

Baldvin Nielsen Reykjanesbæ 

Fyrst birt: 17.05.2009 11:38

Síðast uppfært: 17.05.2009 13:04

Orðalagi ESB tillögu verður breytt

,,Össur Skarphéðinsson utanríkisráðherra segir að orðalagi tillögu um Evrópusambandsaðild verði breytt áður en hún verður lögð fyrir Alþingi.

Össur segir að orðalagi um hlutverk Evrópunefndar verði gert afdráttarlausara en meginefni tillögunnar verði ekki breytt. Össur segir tillöguna enn í smíðum en hann fundaði með forystumönnum stjórnarandstöðuflokkanna í gær. Þar komu fram nokkrar athugasemdir. Össur segist þessa dagana vinna að því að skapa forsendur fyrir sem víðtækustu samráði um framhaldið.''

[e-mail]