'' RÁN '' og það á hábjörtum vordegi. Ofmat eigna og eiginfjár Exista hf.

Nú berast fréttir að auðmennirnir Bakkabræður hyggist taka yfir EXISTA á 2 AURA per hlut, þ.e. 0.02 krónur fyrir hvert hlutabréf en þegar gengið var sem hæst 2007 var það um 40 krónur á hlut.
 
Verðmæti exista var þá rúmlega 457 milljarðar en er núna um 1.3 milljarðar króna.
 
 
Bakkabræður ætla ekki að borga þetta sjálfir heldur ætla þeir að láta eitt af félögum Exista - Lýsingu - LÁNA þeim fyrir kaupverðinu. Enda skulda þeir hundruði þúsunda milljóna sbr.fréttir af lánveitingum KB banka til stærstu eigenda sinna.
 
Stuttu eftir hrunið mikla í oktober sl. tóku Bakkabræður hið verðmæta félag, Bakkavör, sem metið er á þúsundir milljóna króna,  útur Exista og gerðu að séreign sinni og nú á að taka einn ósvífnasta snúning sem sést hefur og taka Exista yfir í heild sinni á 2 aura per hlut og skilja alla hluthafana eftir í skítnum.
 
Spyrja má af hverju þeir leggja svona mikið á sig til að komast yfir félag sem skuldar a.m.k 150 MILLJARÐA umfram eignir - þ.e. félagið er álíka illa statt og Baugur sem var tekinn til gjaldþrotaskipta.
 
Exista var nefnilega gjaldþrota fyrir LÖÖÖÖÖNGU síðan eins og sjá má á meðfylgjandi skjali enda búnir að bulla svo mikið í uppgjörstölum sínum að það hálfa væri nóg - en samt er eigið fé metið á hundruði milljarða króna !!!
 
ALLAR ÞESSAR UPPLÝSINGAR ERU TEKNAR ÚR ÁRSREIKNINGUM EXISTA OG SETT SAMAN AF LÖGGILTUM ENDURSKOÐENDUM.
 
 

Ofmat eigna og eiginfjár Exista hf.
12/2004: Eignarhlutur í Kaupingi og fleiri skráum og óskr. Félögum	Bókfært verð Millj. kr.    61.354	Markasverð Millj. kr.     61.354	Mismunur í millj. kr.                                   0	Eigið fé skv. ársreikn.í millj.kr.  26.341	Eigiðfrádregnmismun í millj. kr.      26.341
12/2005: Eignarhlutur í Kaupingi og fleiri skráum og óskr. félögum	148.667	148.667	0	96.104	96.104
12/2006: Eignarhlutur í Kaupingi og fleiri skráum og óskr. félögum Viskiptavild VÍS	215.019        43.976      258.995	215.019    215.019	0         43.976         43.976	179.779	135.803
12/2007: Eignarhlutur í Kaupingi og fleiri skráum og óskr. félögum Viskiptavild	533.351        42.715     576.066	443.052    443.052	90.299       42.715     133.014	215.552	82.538
30.6.2008: Eignarhlutur í Kaupingi og fleiri skráum og óskr. félögum Viskiptavild	655.225        42.675      697.900	486.825    486.825	168.400          42.675          211.075	285.525	74.450
30.9.2008: Eignarhlutur í Kaupingi og fleiri skráum og óskr. félögum Viskiptavild	680.601      42.630      723.231	499.946      499.946	180.655          42.630           223.285	288.158	64.873

1             Breytt er um aðferð 2007 þegar hlutabréf fara að lækka.

         Hefiði átt að gjaldfæra mismuninn.

2             Ekki er ljóst hvort um er að ræða ólögmæta uppfærslu á viskiptavild.

3             Félagið er gjaldrota þegar uppgjör birtist 30.9. 2008 en eigið fé samt bókfært á 288.158 millj. kr. 

Græðgi þessara manna hefur eyðilagt orðstír heillar þjóðar.

Heilbrigð skynsemi óskast
 

Athugasemdir

[Óskar Arnórsson, 19.4.2009 kl. 13:24]

Heilbrigð skynsemi er í alvarlegri útrýmingarhættu á Íslandi. Hún gæti endað eins og síðasti Geirfuglinn.

Ísland er eins og "Villta Vestrið" í viðskiptamálum! Þvílíkir bófar!  

[Vilhjálmur Þorsteinsson, 19.4.2009 kl. 14:30]

Sko.  Í fyrsta lagi skilst mér að BBR/Bakkabræðrum sé skylt samkvæmt lögum að leggja fram þetta yfirtökutilboð, af því þeir eignuðust yfir 40% hlut í félaginu sem er með skráða pappíra í Kauphöll.  Í öðru lagi segir þú sjálfur að félagið sé gjaldþrota, en samt furðar þú þig á því að menn skuli vilja greiða 1,3 milljarða fyrir það.  Er það ekki bara gott mál að einhver vilji borga eitthvað fyrir gjaldþrota félag?  Í þriðja lagi er engum skylt að taka þessu tilboði, þetta er bara tilboð.

Hvað er þá nákvæmlega vandamálið?

(Tek fram að ég hef engra hagsmuna að gæta, hef aldrei verið hluthafi í Exista og er svo sem alveg sama um þetta, mér finnst bara þessi pistill þinn skrýtinn.)

[Óskar Arnórsson, 19.4.2009 kl. 14:47]

Ég þekki nú ekki hlutabréf frá skeinipappír, enn ég held að þú sért ekki alveg inní þessu máli Vilhjálmur minn.

Enn ég kann svolítið um auðjöfraglæpamál. Eiginlega nokkuð mikið, bæði á Íslandi og Svíðþjóð. Smávegis inn í svona málum í Danmörku líka.

[Jón Gerald Sullenberger, 19.4.2009 kl. 20:57]

Þetta svokallaða "markaðsvirði"  virðist nú bara fengið með því að Bakkavararbræður greiða 1 milljarð fyrir 50 milljarða hluti í Existu í gegnum einkahlutafélag sitt Kvakk. Tilkynning til kauphallar  8. Des 2008 sýnir að mínu viti á hvaða ferðalagi þeir eru: Að yfirtaka félagið  fyrir nánast ekki neitt og setja það síðan aftur á markað seinna eftir niðurfærslu hlutafjár og stórgræða. Kaupþing kom að ég held í veg fyrir áformin í bili með því að taka til sín um 10 % en fyrir það átti Kvakk 88% sjá tilkynningu: Í samræmi við samþykkt hluthafafundar Exista 30. október síðastliðnum hefur stjórn Exista ákveðið að auka hlutafé í félaginu um 50 milljarða hluta, eins og fram kom í tilkynningu til Kauphallar frá 4. desember, í skiptum fyrir 1milljarða hluta í Kvakki ehf. Hlutafé eftir hækkun nemur 64.174.767.632 hluta. Þessi viðskipti fela í sér að fyrri eigendur Kvakks ehf., Ágúst Guðmundsson og Lýður Guðmundsson, leggja Exista til 1,0 milljarð króna í reiðufé.  Eftir kaupin nemur eignarhlutur BBR ehf. og Bakkabræður Holding B.V., sem bæði eru í eigu Ágústs Guðmundssonar og Lýðs Guðmundssonar, samtals  88% afheildarhlutafé Exista. Í samræmi við ákvæði X. kafla laga nr. 108/2007 umverðbréfaviðskipti  mun BBR ehf. því leggja fram yfirtökutilboð í  bréf annarrahluthafa Exista hf. Tilboðsyfirlit þar sem skilmálar tilboðs koma fram verður birt innan fjögurra vikna.  Tillaga um niðurfærslu hlutafjár Stjórn Exista hf. mun leggja til við  hluthafafund Exista hf. síðar í þessum mánuði að hlutafé verði fært niður um allt að 98%. Niðurfærsla hlutafjár þýðirað fjöldi hluta fer úr 64.174.767.632, hver að nafnverði 1 króna, í um það bil 1.283.495.353 hluti, hver að nafnverði 1 króna.