''Stríðið gegn Íslandi'' Er Ísland betur borgað í ESB?

Eftir að hafa lesið grein Michael Hudson og horft á hann og John Perkins í Silfrinu í dag þá vona ég að stjórnvöld og þjóðin hugsi vel áður en vaðið er á stað í ESB.  Þetta eru stórar ákvarðanir sem mun hafa áhrif á landið okkar og komandi kynslóðir. Ekki ætla ég að segja annað en undanfarin ár hafa margir hámenntaðir útlendingar komið til Íslands og varað þjóðina við því sem myndi gerast hér og viti menn þetta hefur allt gerst.

Hvað sögðu menn hér heima, jú þetta eru allt saman tapsárir útlendingarsem skilja ekki business og hvað við íslendingar erum klárir. Ekki þarf mörg orð til að útskýra hver hafði rétt fyrir sér og hver ekki.  Nú koma útlendingar fram aftur hver á fætur öðrum og vara okkur við að fara varlega með eign okkar og auð ekki gera það sama og var gert hér árið 2005, 2006 og 2007. Hvað var það jú hlusta ekki á fólk sem sér hlutina í öðru ljósi en við hin sem erum föst í þessu boxi og sjáum ekki út fyrir það. 

Hér koma nokkrir puntar í grein Michael Hudson sem birt var í Fréttablaðinu í gær sem vert er að veita góðan gaum af.

'' Ísland hefur orðið fyrir árás - ekki hernaðarárás, heldur fjármálaárás. Afleiðingarnar eru jafn banvænar þrátt fyrir það. Fleiri verða veikir, lifa í örvæntingu og deyja fyrir aldur fram ef þjóðin neitar ekki að greiða til baka megnið af þeim lánum sem prangað hefur verið inn á hana á síðustu átta árum.

 

Alþjóðagjaldeyrissjóðnum og Alþjóðabankanum á Íslendinga og krefjast þess að þeir verði hnepptir í skuldafangelsi með því að þvinga þá til að greiða skuldir sem þessar þjóðir myndu aldrei greiða sjálfar.

Til að komast út úr skuldafeninu verða Íslendingar að átta sig á hvers konar efnahagsástand sjálfseyðingar íslenskir bankamenn hafa skapað. Þrátt fyrir að hafa eytt nærri hálfri öld í að rannsaka þjóðir í erfiðri skuldastöðu hef ég sjaldan eða aldrei séð neitt í líkingu við ástandið á Íslandi. Hér á landi hafa bankarnir steypt sér í svo gríðarlegar skuldir að verðgildi krónunnar mun rýrna til frambúðar og leiða af sér verðbólgu næstu áratugina.

 

Ísland hefur snúið þessari lausn á hvolf. Í stað þess að auðvelda hina hefðbundnu skuldaleiðréttingu hefur verið sköpuð paradís lánardrottna og hinni sígildu flóttaleið skuldsettra þjóða lokað. Þjóðin hefur fundið leið til að steypa sér í skuldir með hjálp verðbólgunnar, í stað þess að vinna sig úr þeim með henni. Með verðtryggingu skulda hefur Ísland komið upp einstöku kerfi fyrir banka og aðra lánadrottna sem stóreykur tekjur þeirra af lánastarfsemi, á kostnað launa og tekna af raunverulegri atvinnustarfsemi.

 

Það fyrsta sem Íslendingar verða að gera er að átta sig á að landið hefur orðið fyrir efnahagslegri árás útlendinga, sem studdir voru af íslenskum bankamönnum. Til að hafa sigur reyndu þessir lánadrottnar að sannfæra þjóðina um að skuldir væru framleiðsluhvetjandi og að hagkerfið efldist, þar sem verðmæti þess ykist - þ.e. eignir yxu umfram skuldir.

 

 

Hvernig eiga Íslendingar að borga?

Íslendingar verða að gera sér grein fyrir því fyrr en seinna að ekki er hægt að greiða þessar skuldir og um leið halda uppi sanngjörnu samfélagi. Óhjákvæmilegt er að afskrifa skuldir á einhvern hátt. Hversu mikið er ekki hægt að segja til um fyrr en vitað er hver skuldar hverjum og hversu mikið. En Ísland er sjálfstætt ríki og getur sett hver þau efnahagslög sem því hentar, svo framarlega sem þau mismuna ekki fólki eftir þjóðerni.

 

Íslendingar hafa verið prettaðir. Eiga þeir að líta á það sem skyldu sína að greiða þjóðum sem hafa ekki í hyggju að greiða nokkurn tíma sínar eigin skuldir? ,,

 

 Þeir sem heimta mest eru ekki þeir sem skulda mest, heldur þeir sem hafa lánað mest.

visir.is

Orðspor Íslands hefur verið stórlega skaðað og er í molum en við verðum að semja við okkar lánadrottna  það eru allir að gera það úti í heim af hverju getum við það ekki líka?

Leiðin til endurreistar er samningar og samstarfs við alþjóðlega fjármálaheiminn.  Næsta skref er að fara á fullt í að byggja hér upp öflugan iðnað eins og nágranna löndin okkar Danir og Finnar.

 

Það mun ekki skipta neinu máli hvað gjaldmiðillinn okkar heitir ef við ætlum að halda áfram að lifa á lánum.  Þar til við áttum okkur á því að þetta gengur ekki svona þá mun þetta halda áfram krónan sveiflast upp og niður og verbólgan gera það sama. 

 

Á Íslandi  þarf að skapa verðmæti með útflutningi og þar af leiðandi tekjur inn í landið,  þar með mun sá gjaldmiðill sem við erum með styrkjast og lífið verða betra hér heima.

 

Sú kynslóð sem nú heldur á fjöreggi þjóðarinnar í dag verður að vanda vel valið sitt og hlusta áður en hún tekur þá stóru ákvörðun að gefa frá sér allt valdið til Brussel.

Heilbrigð skynsemi óskast.

Góða helgi.

 

Athugasemdir

[Róbert Viðar Bjarnason, 5.4.2009 kl. 16:37]

Fyrir þjóð að verða gjaldþrota er í raun ekki það slæmt, Argentína varð "gjaldþrota" 2002 og neitaði að borga erlendar skuldir og þar hefur t.d. fátækt hraðaminkað síðan þá og stóð ekki forseti Argentínu stolt við hlið annarra stærstu ríkja heims á G20 í liðinni viku?

Hér eru upplýsingar um “gjaldþrot” Argentínu: http://en.wikipedia.org/wiki/Argentine_economic_crisis_(1999-2002)

Meira um “gjaldþrot” Argentínu frá The Economist:

Argentina’s debt restructuring
A victory by default?

"The successful restructuring of Argentina’s debts has set a painful new benchmark for creditors"

"Argentina defaulted so heavily because it defaulted so late."

http://www.economist.com/business/displayStory.cfm?story_id=3715779

[Eygló Þóra Harðardóttir, 5.4.2009 kl. 16:40]

Sæll Jón Gerald,

Ég vil endilega benda þér á fyrri grein Michael Hudson í Fréttablaðinu sl. miðvikudag.

Þar segir hann um ESB:

"Til að sjá samhengið verðum við að skoða hvað er að gerast í „Stór-Evrópu" nútímans. Eins og komið hefur fram í viðskiptafréttum hafa fyrrum Austantjaldsríkin lent í gríðarlegum erfiðleikum á leið sinni inn í Evrópusambandið á síðustu árum. Sú skoðun fer vaxandi í þessum ríkjum að Evrópa og Lissabonsáttmáli hennar hafi, í stað þess að hjálpa ríkjunum að byggja upp og hagræða í efnahagskerfi sínu, sleppt bönkum sínum lausum á þau. Bankarnir líti einungis á þessi ríki sem nýja lántakendur sem hægt er að skuldsetja - ekki til uppbyggingar í iðnaði eða innviðum samfélagsins, heldur með veði í fasteignum og auðlindum sem þegar voru til staðar. Það er eftir allt saman fljótlegasta leiðin til að græða og fjármálageirinn hefur ávallt lifað á skammtímahagnaði.

Þetta vandamál var óumflýjanlegt í ljósi blindrar trúar Evrópu á að allt sem auki "virði", jafnvel með því að blása upp verð fasteigna eða annarra eigna, feli í sér sömu framleiðni og aukin raunveruleg framleiðsla eða þjónusta. Afleiðingin var röð bóluhagkerfa sem byggðu á skuldsettri virðisaukningu fasteigna og hlutabréfa. Slíkar bólur springa alltaf á endanum. Seint og um síðir eru þjóðir að átta sig á því að eina leiðin til að greiða fyrir innflutning til langs tíma er að framleiða vörur til útflutnings. Þjóðir geta ekki, frekar en einstaklingar, lifað af greiðslukortum einum saman."

[Arinbjörn Kúld, 5.4.2009 kl. 16:44]

þá er ekkert annað að gera en lýsa því yfir að við við borgum ekki skuldir landráðamanna.

[Ragnar Gunnlaugsson, 5.4.2009 kl. 16:47]

Góð umræða.   Eygló þú ættir að koma vitinu fyrir þín flokkssystkini að ESB leysir engan vanda fyrir okkur.

[Guðmundur Gunnarsson (IP-tala skráð) 5.4.2009 kl. 20:01]

Það er athyglisvert að sjá að Davíð hefur haft ýmislegt til síns máls með að borga ekki skuldir auðróna sem hafa lagt þjóðarbúið í rúst.

Ekki síður var merkileg sú útreið sem IMF fær frá þessum sérfræðingum sem svo mörgum öðrum kollegum, sem er þvert á skoðanir þeirra Þorvaldar Gylfasonar, Gunnars Tómassonar og Vilhjálms Egilssonar, sem allir hafa starfað hjá stofnuninni og breiða “fagnaðarboðskapinn” gagnrýnislaust, stjórnlaust hatur á Davíð og hafa gengið erinda auðróna eins og Jóns Ásgeirs ljóst og leynt með skrifum sínum og viðtölum.

Vonandi getum við forðað okkur frá frá fleiri srórslysum með að taka orð einhverra sem hafa óeðlilegum hagsmunum að gæta, útlendra sem innlendra “qvistlinga”, sem heilögum sannleik, og hlýtur að vera stórkostleg ástæða að kanna vel orð þessara erlendu sérfræðinga og spóla aðeins til baka og skoða hvað Davíð hefur að vera leggja til án þeirra venjulegu fordóma sem virðast þurfa að fylgja.

[Æsir (IP-tala skráð) 5.4.2009 kl. 22:40]

IMF

Burtu með þá

Kveðja

[Stefán (IP-tala skráð) 6.4.2009 kl. 09:35]

Ef við á annað borð borgum þessar skuldir, þá þurfum við að ná þotum, snekkjum, lúxusbílum og stórhýsum af mönnum eins og Jóni Ásgeiri og Hannesi Smárasyni upp í skuldagreiðslur.  

[Elinóra Inga Sigurðardóttir, 6.4.2009 kl. 11:30]

Hvað sagði Davíð Oddsson!

[Gunnar Tómasson (IP-tala skráð) 13.4.2009 kl. 14:10]

Kristján Friðriksson - af hverju skrifar þú undir dulnefni?