Gæslumaður við heimili Hannesar við öllu búinn

Ætli hann sé með potta og pönnur?

'' Varsla var við annað einbýlishúsa Hannesar Smárasonar við Fjölnisveg í dag á meðan málarar unnu við viðgerðir eftir skemmdarverk morgunsins. Í bítið hafði rauðri málningu verið skvett á húsið. Þegar blaðamaður og ljósmyndari DV komu á staðinn voru málararnir langt komnir með að færa húsið í fyrra horf.

Ekki var þó að því hlaupið að mynda málarana að störfum þar sem maður sem ekki vildi segja á sér nein deili gekk vasklega fram, hélt fyrir myndavélarlinsuna og stuggaði við ljósmyndara dv.is þegar hann nálgaðist húsið, nú eftir hádegið. Spurður hvort honum væri uppálagt að beita ofbeldi við gæsluna svaraði vörðurinn að hann vildi heldur komast hjá handalögmálum, en enginn mætti þó stíga fæti inn á lóð Hannesar.

Vörðurinn sagði einnig að um hádegisbilið hefði verið nokkur ágangur fólks að lóðinni og því hefði hann verið viðbúinn hverju sem væri. Ekki mætti raska ró fjölskyldu Hannesar.,,

Af Dv.is 

Græðgi þessara manna hefur eyðilaggt orðstír heillar þjóðar.

Heilbrigð skynsemi óskast.

Góða helgi.