Opið bréf til Jóns Ásgeirs Jóhannessonar

Sæll, Jón Ásgeir!

Ég var að lesa grein þína sem birtist í dagblaði eiginkonu þinnar þann 1.september sl.  

            Þar tekur þú undir þau sjónarmið Víglundar Þorsteinssonar að Arion banki hafi  sett saman „aftökulista“. Af einhverjum ástæðum hafi bankinn ákveðið að „taka“ af þér og fjölskyldu þinni Haga-verslunarveldið og mismunað ykkur herfilega þar sem þið áttuð hæsta tilboð, eins og þú fullyrðir, og þið hafið verið algerlega sniðgengin.

            Til að glöggva skilning almennings á „aftökulista“ Arion banka spyr ég þig: Ert þú, Jón Ásgeir, tilbúinn að svara eftirfarandi spurningum svo að landsmenn geti áttað sig betur á hinu herfilega óréttlæti sem þú fullyrðir að þú og þín fjölskylda hafið mátt þola af hálfu íslensku bankanna?

            1. Er það rétt að Baugur hafi ekki getað borgað af skuldabréfum lífeyrissjóðanna (sjóðum íslensks launafólks í landinu) í maí 2008, og var í raun hættur að borga af lánum töluvert fyrr, og því kominn í stórkostleg fjárhagsvandræði í árslok 2007?

            2. Er það rétt, Jón Ásgeir, að þú og fjölskylda þín hafi í maí 2008 stofnað félagið 1998 ehf. og fengið 30 þúsund milljónir króna að láni til að kaupa Haga-verslunarveldið út úr Baugi um þremur mánuðum fyrir hrun? Ef rétt er hermt var hér um að ræða með 100% lánveitingu, þ.e. þið lögðuð ekki fram krónu persónulega heldur fenguð 30 þúsund milljónir króna að láni, í sama mund og stærsta lausafjárkrísa sögunnar gekk yfir, til að koma Haga-verslunveldinu út úr Baugi – burt frá kröfuhöfum Baugs og undir ykkar stjórn! Í Rannsóknarskýrslu alþingis segir svo um þennan gerning ykkar:

            „Rannsóknarnefnd Alþingis vekur athygli á því að Baugur Group notaði hluta af sölutekjum sínum af því að selja Haga til 1998 ehf. til að kaupa eigin hlutabréf af stærstu eigendum sínum.

             Í þessu tilviki var um að ræða 15 milljarða króna virði hlutafjár, að því gefnu að hlutirnir hafi verið rétt verðlagðir, og ekki verður séð að félagið hafi selt öðrum þetta hlutafé síðar.

             Raunin var því sú að eigendur Baugs voru með þessu að taka til sín hluta af fjármunum félagsins, án þess að nokkuð lægi fyrir um hvort hagnaður yrði af rekstri félagsins árið 2008.

             Í eðli sínu jafngildir þetta arðgreiðslu, en með útgreiðslu á þessu formi var komist hjá því að uppfylla þyrfti skilyrði sem lög setja fyrir arðgreiðslum úr félögum.

            [...] Nefndin telur ljóst af þeim gögnum sem hún hefur kynnt sér að sú aðferð sem þarna var viðhöfð við kaup Baugs á eigin hlutabréfum hafi verið til þess fallin að rýra hagsmuni og stöðu þeirra fjármálafyrirtækja sem áttu kröfur á Baug og rannsókn nefndarinnar tekur til.“

            Er þetta rétt, Jón Ásgeir?   Notuðuð þið, stjórnendur og stærstu eigendur Baugs, helminginn af kaupverði Haga – þ.e. 15 þúsund milljón krónur – til að kaupa persónuleg hlutabréf ykkar í Baugi rétt fyrir hrun í stað þess að greiða skuldir Baugs við lífeyrissjóðina (sjóði íslensks launafólks í landinu) eða bankana?

            Nánar tiltekið: Er það virkilega rétt að þið fenguð Haga-verslunarveldið aftur í ykkar eigu, ásamt því að fá 15 þúsund milljón krónur í eigin vasa, fyrir verðlaus hlutabréf ykkar í Baug, um það bil 3 mánuðum fyrir hrunið 2008?

            3. Hversu mikils virði telur þú að hlutabréfin í Baugi hafi verið svona rétt fyrir hrun þegar þið náðuð að selja hlutabréfin ykkar til Baugs fyrir 15 þúsund milljónir króna? Var þetta sannvirði fyrir bréfin?

            Ekki gleyma að Baugur var löngu hættur að borga af skuldabréfum lífeyrissjóðanna, sem og að borga af lánum sínum almennt, innanlands sem erlendis, og stuttu seinna fór Baugur í gjaldþrot og heildarskuldir félagsins nema um 320 þúsund milljón krónum (þ.e. um 1 milljón fyrir hvern Íslending).

            Gjaldþrot dótturfélags Baugs, BG Holding, sem hélt utan um erlendar eignir Baugs, nemur svo um 150 þúsund milljónum til viðbótar, skv. fréttum nýlega.  Samtals hljóðar gjaldþrot Baugs því upp á a.m.k. 470 þúsund milljónir króna gjaldþrot Baugs en þá er eftir að telja upp öll hin dótturfélög Baugs sem nema tugum.

            Jón Ásgeir, var mikil eftirspurn eftir hlutabréfum Baugs á þessum tíma? 

 

            4. Er það rétt að þú, og félög þér tengd, hafið svo fengið um 2,8 þúsund milljónir króna til viðbótar að láni frá íslensku bönkunum til að kaupa enn meira af hlutabréfum í Baugi sem  voru í eigu eiginkonu þinnar sumarið 2008, án veða eða trygginga?

            5. Er það rétt, Jón Ásgeir, að með þessum 15 þúsund milljónum króna hafið þið hjónakornin náð að greiða ykkar persónulegu skuldir og eignarhaldsfélaga ykkar sem skýrir af hverju þið getið haldið eignum ykkar, að verðmæti þúsunda milljóna, enn þann dag í dag? (Það er annað en almenningur í þessu landi.)

            6. Er það rétt að skuldir 1998 ehf., sem þið notuðuð til að kaupa Haga út úr Baugi, hafi verið komnar í u.þ.b. 40–50 þúsund milljón krónur við hrunið og þar sem verðmæti Haga var nokkrum tugum milljörðum lægra, þá var það því algerlega útilokað fyrir ykkur að borga fyrir Haga, þ.e. að standa skil á afborgunum til bankanna?

            Ert þú til að útskýra fyrir okkur hin hvað Arion banki átti að gera þegar þessi skuldastaða var ljós?   

            Hvað gat bankinn gert annað en að taka veðin, þ.e. Haga, frá ykkur til greiðslu upp í skuldina þegar ljóst var að skuldir ykkar námu tugum þúsundum milljónum meira en þið gátuð greitt ?

            Átti Arion banki bara að taka á móti „Bros-kalla-tölvupóstum“ með fyrirskipunum hvað ætti að gera og „redda þessu“? 

            Er hugsanlegt að Arion banki hafi eingöngu verið að gera það sem venjulegir bankar gera , þ.e. ganga að veðum og tryggja hagsmuni bankans, þar sem ljóst var að þið skulduðuð um 50 þúsund milljónir í gegnum 1998 ehf. og útilokað var að það fengist greitt þar sem hin félögin ykkar skulduðu mörg hundruð þúsund millljón krónur til viðbótar?

            7. Er það rétt að þrátt fyrir að búið sé að taka Haga af ykkur til greiðslu upp í skuldina hafi Arion banki þurft að afskrifa um tugi þúsunda milljóna króna vegna 1998 ehf.-fléttu ykkar hjóna?

            Jón Ásgeir, það hefur verið skelfilegt að lesa um þær grimmilegu ofsóknir sem þú og fjölskylda þín hafið mátt þola frá yfirvöldum í gegnum árin og maður spyr sig hvort ekkert réttlæti sé til lengur?

            Hlusta bankarnir virkilega ekki  lengur á tölvupóstana frá þér um hvernig þeir eigi að haga sér?   Heimta bankarnir virkilega að menn greiði skuldir sínar eins og við hin eigum að gera og ganga síðan að veðum bara eins og við hin þurfum að þola þegar menn geta ekki borgað tugþúsunda milljóna skuldir?

            Eftir ofsóknir ríkislögreglustjóra í Baugsmálinu,  skattyfirvalda, og nú skiptastjóra Baugs og Fons, sem og ofsóknir slitasjórnar Glitnis á hendur þér og þinnar fjölskyldu, sem þú ert allaf að tala um, leyfa þeir sér að fullyrða að þú hafir rænt bankann innan frá! Húsleit og rannsókn sérstaks Saksóknara á viðskiptaháttum þínum, og hinni „ótengdu“ eiginkonu þinni í lánabók Glitnis, er auðvitað með miklum ólikindum! „Aftökulisti“ Arion banka er svo kornið sem fyllir mælinn! Ætlar Davið Oddson og „bláa höndin“ aldrei að láta ykkur í friði ?

            Hin íslenska þjóð situr orðlaus yfir þessum miskunnarlausu grimmdarverkum bankanna á hendur þér og fjölskyldu þinnar – að leyfa sér að taka stærsta verslunarveldi Íslands af ykkur, þótt Baugur hafi skuldað um 320 þúsund milljónir króna, 1998 ehf. skuldað um 40–50 þúsund milljónir og BG Holding félag Baugs og ykkar um 150 þúsund milljónir, er bara svo ótrúlega ósvifinn gerningur að maður trúir þessu varla.  Ég sleppi að minnast á skuldir Gaums, ISP ehf., Landic Property, 365 ,Teymis, Dagsbrúnar, Sólin skín ehf., Styrk Invest ehf., Stoðir Invest, A-Holding ehf og fleiri félaga. Það er náttúrlega glórulaust að bankarnir skuli ekki skilja að þetta var allt gjaldþroti Lehmanns Brothers, Davið Oddssyni og „bláu höndinni“ að kenna.

            Þið hefðuð örugglega náð að borga þetta allt saman 100%, ef Arion banki hefði bara gert það sama og Lárus Welding, sérstakur bankastjóri þinn í Glitni hafði gert, – lesið fyrirskipanirnar í tölvupóstum frá þér og lánað þér bara meiri milljarða.  Það fer nú að vera tímabært, Jón Ásgeir, að senda inn formlega kæru til mannréttindadómstóls Evrópu – miðað við lýsingar þínar er ekki nokkur vafi að þú færð gjafsókn og flýtimeðferð.

            Nú bíðum við spennt eftir að lesa svör þín við þessum spurningum svo að ég og íslenska þjóðin skiljum þetta til fulls.

            Virðingarfyllst,

Jón Gerald Sullenberger

 

PS: Var að lesa forsíðu DV í dag, miðvikudag 12.september, sem segir frá því að eiginkona þín hafi fengið 20 þúsund milljónir krónur afskrifaðar í gegnum félag ykkar, 101 Capital ehf.   Það er a.m.k. smá sárabót, Jón Ásgeir. En bankarnir verða að gera miklu miklu betur fyrir ykkur. Vertu viss, hin íslenska þjóð stendur  öll á bak við þig og fjölskyldu þína í þessari mannréttindabaráttu þinni í þágu réttlætisins. Sanngjarnt skal það vera!

Athugasemdir

[Kári H. Sveinbjörnsson (IP-tala skráð) 29.9.2012 kl. 17:20]

Það þarf mikið þor og mikinn kjark  til að gera það sem þú ert að gera Jón. Óska þér allra heilla í baráttunni við ofmetnasta, pörupilt Íslandssögnnar. Sumt fólk er svo blint enn, á ágæti  þessa þjófahiskis sem kennt var við Bónus að það fyllist vandlætingu yfir eftirfylgni þinni og vill helst að þú þagnir. Gakktu ótrauður áfram, gott fólk lætur síst í sér heyra en þú átt það að. Vertu viss.

[Eyjólfur Jónsson, 29.9.2012 kl. 18:03]

Humm já, hann Ólafur gengur um með handjárnin í rassvasanum þessa dagana.

[Anna Sigríður Guðmundsdóttir, 30.9.2012 kl. 00:16]

Sannleikurinn um öll vinnubrögð og staðreyndir, er sagna bestur.

M.b.kv.

[Sigurdur Kristjan Hjaltested (IP-tala skráð) 30.9.2012 kl. 08:50]

Thetta er nu sa besti pistill sem eg hef lesid langa lengi. Gangi ther allt i hagin Jon Gerald og takk fyrir mig.

M.b.kv.

[Jóhann Kristinsson, 30.9.2012 kl. 10:30]

Way to go my friend Jón Gerald, don´t let these Bónus pricks get away with white washing their dirty past.

Greetings from Las Vegas

[Júlíus Björnsson, 3.10.2012 kl. 20:40]

Creditum og Debitum , er á þýsku Soll und Haben, komið úr Ítölsku: deve dare et deve avere.   Það sem á að gefa [til baka: vinstra megin ] og það sem á að hafa [á móti: hægra megin].   Það sem kennitala á prívat þarf hún ekki að gefa til baka og getur sóað því i hvað sem er.  Skuldlausar og skuldbindinga lausar eignir [óveðsettar] þarf ekki að gefa til baka og kallast hreinar: oftast uppsafnaðar umfram tekjur , sem búið er greiða af skatta og færa debit á Séreignar reikning.  Þessar séreignir er svo hægt að setja á móti venture capital hluta af heildar Equity.  

Equity er sá hluti eignar til gefa til baka sem er eftir þegar allar skuldir á skatta ári hafa verið dregnar frá.

Íslendingar eru aular: hér er hagfræði skilgreining:

Eigið fé (e. owners equity) fyrirtækis, er skilgreint sem heildareignir að frádregnum skuldum skv. bókhaldi fyrirtækisins. Eigið fé fyrirtækis er stundum kallað bókfært virði þess.

Owners equity er líka kallað "stock" og er aldrei hækkað, bókað upp, og vegna markaðshækkanna á hverju ári [starfsaldur og skattmann og áhættu vaxtaálag lögsögu spilar þarna mest inn í] þá minnkar raunvirði nafnvirðis stofnhlutabréfa um 67% í UK [leiðandi markaðs ríki] á öllum 30 árum [eigið fé lækkar og lögaðili eignast grunn sinn: þrautvarsjóð: stognhluthafa fá arð til baka]. Þessi bréf má heldur aldrei borga út ef ógna því sem á borga síðar tíma lánadrottnum. Rekstrar aðilar sem gera út á langtíma forsendum, miða þá við 12 ára til 50 ára tímabili áður en stofnhlutabréf eru greidd út.

Stofnhluthafar eignast bara umfram tekjur á hverju á hverju á ári þegar búið er taka frá fyrir frjálsa keppni á mörkuðum, framtíðar verðhækkun skattmann, verðtryggingastofnanna [allir lögaðilar eiga hafa fyrir raunvirði skulda] , launþega samtaka, og birgja. þess vegna skil ég ekki hvernig sumir hafa tapað svona miklu persónulega, nema að eigin bókfærða mati náttúrulega [per se.


Samkvæmt bókhaldi lánadrottna eiganda skulda kennitölu að mínu mati og fleiri af erlendu bergi brotna.

Ísland er með hærri high-yielding grunnkröfu í sínum 100% sub Prime fjármálageira en t.d Írar sem eru 80% prime í dag.  Portufolio : safn securities bonds fellur í verði ef ein veðskuld er skemmd [sjá eitt skemmt epli í körfu]. það er ekkert að að 5 ára , 15 ára og eldri veðsöfnum til tryggingar reiðufjár skuldum Írlands í dag. Eins og Írar reiknuðu með fyrir 5 árum.    

Geta Íslenskir þingmenn ekki hætt að gera alla ríkisborgar hér að fíflum í augum borgara stöndugra [developed in financial terms: economical terms er meira skylt "evulation" in theorethical and philsophical terms develop is relative to mature ] fjármála ríkja. Veð eða bestu veðin [þjóðverjar hirtu þau gegn engu áhættu raunvaxtaálagi umfram HCPI, sem hrapaði þeim í hag] eru einu veðin sem þarf ekki að færa niður í Balance control, sem er notað til að réttlæta arðgreiðslur lögaðila. Segir ekkert um hreinar eignir hans eða stofnhlutahafa.    

Raunvextir greiða afföll [gjaldþrot og vanskil, en verðbætur fyrirbyggja  afföll vegna,  skatthækkanna, millibankavaxta= grunnvaxta og kauptaxta, og birgja.   

Nominal rate = CPI rate + intial rate= intial rate + CPI rate. Veðskuldir lengri en 5 ár kallast verðtryggðar erlendis þegar intial rate stefnir á núll: áhættulaus.   Sá sem ekki getur beðið og vill selja öruggt langtíma bréf getur þá bókað að kaupandi á skammtíma afleiðumarkaði heimtar afföll: greiðir undir nafnvirði. Portifolio sem er veðsett, merkir að allar veðskuldir í því eru það.  Sá á kvölina sem á VÖLINA. VOGUM VINNUR/ VOGUN TAPAR. Hlutafélög auðmanna eru eldri en landnám Íslands og voru algeng í Róm á dögum Pontíusar Pílatusar.  Enda mikið af málsháttum Íslendinga úr bókhaldi katolsku kirkjunnar og skattheimtu aðila kongunga Norðmanna og Dana.

USA selur meira raunvirði í sínum pakkningum en EU almennt þess vegna færð þú almennt meira raunvirði fyrir Dollar í USA en í EU.   Ef þú þekkir báða markaði. Raunvirði krónu er metið af kaupendum hennar sem spyrja hvað þeir fái fyir hana: taka upp evru breytir þessu ekki: evru gengi eru misjöfn eftir Meðlima ríkjum og álagsraunvextir líka.