Peningar hafa völd

Þá er það hér með staðfest af Héraðsdómi Reykjavíkur að við erum ekki jöfn fyrir lögum þessa lands. Peningar hafa gríðaleg völd, það sorglega við þetta allt saman er að þeir milljarðir sem hafa verið greiddir til her lögmanna Baugs er fé úr sjóðum banka og Lífeyrissjóðum almennings  sem aldrei verður greiddur til baka af þessum mönnun. Íslenskur almenningur mun gera það með hærri sköttum og hærri vöxtum til bankana í ókomin ár.  

Óbjörguleg efnahagsbrotamál

Vegna verðkönnun ASÍ

Ákvörðunin um að taka ekki þátt í verðkönnun ASÍ er tekin í mótmælaskyni en forsvarsmenn Kosts telja verslunina ekki hafa notið sannmælis hingað til í könnunum ASÍ. Kannanirnar sendi neytendum villandi skilaboð. Sérstaklega eru forvarsmenn Kosts ósáttir við framsetningu niðurstaðna í fréttatilkynningum sem ASÍ sendir frá sér. Þegar verið er að gera verðkönnun er ekki tekið tillit til gæða varanna og þar af leiðandi í flestum tilfellum ekki um sambærilega vöru að ræða. Við skorum á neytendur að gera sína eigin verðkönnun og þá kemur í ljós hvar er ódýrast að versla.

 Virðingarfyllst,

F.h. starfsmanna KostsJón Gerald SullenbergerS. 897-6405

Krónan ódýrust

Opið bréf til Jóns Ásgeirs Jóhannessonar

Sæll Jón Ásgeir,
 
það eru dapurlegir tímar á Íslandi núna þegar afleiðingar hrunsins eru að koma í ljós langvarandi atvinnuleysi, niðurskurður á öllum sviðum velferðarkerfisins og stórfelld lækkun á lífeyrisgreiðslum til aldraðra. Félög eins og Baugur Group eru búin að ryksuga upp alla sjóði í íslensku bönkunum. Ekki má gleyma öllum þeim gríðarlegu fjármunum sem lífeyrissjóðirnir lögðu í ykkar félög  sem nú eru öll gjaldþrota. Svona mætti lengi telja.
 
Nú þegar skýrsla rannsóknarnefndar Alþingis liggur fyrir – gögnin skýr og staðreyndir tala sínu máli – er hin íslenska þjóð að vakna upp við vondan draum.
 
Ég má til með að senda þér smá línu vegna pistil þíns sem birtist í dagblaði eiginkonu þinnar,  22.april sl. Þar fjallar þú m.a. um vanlíðan þína yfir hruni Íslands og fullyrðir að þú munir gera allt til að bæta íslensku þjóðinni fyrir mistök þín og aðstoða við að byggja Ísland upp að nýju.
 
Að vísu eru þetta nánast sömu orð og þú ritaðir í greini þinni í desember 2008, „Setti ég ísland á hausinn“ Eftir þá grein var nú lítið um aðstoð frá þér og þínu fólki, þar sem allur tími þinn fór í að því að tryggja þér stóran hlut í verslunarveldinu Högum og skrá það á föður þinn, svo og að ná tangarhaldi á fjölmiðlaveldinu 365 og skrá það á eiginkonu þína, ásamt ýmsum öðrum „fléttum“.
 
Þú talar í greininni um draum þinn að byggja upp fyrirtæki sem þú gætir verið stoltur af, og léti gott af sér leiða fyrir íslenskt samfélag, og lýsir hvernig þú hafir í 12 ár unnið dag og nótt til að ná því markmiði.
 
Það er dapurlegt að þetta hafi mistekist því eins og allir Íslendingar vita stóð fyrirtækjanet þitt fyrst og fremst fyrir þau gildi sem þú minnist á: „Gjafmildi og gegnsæi.“ Eða hvað?!
 
Það var t.d. aðdáunarvert hversu örlátur þú varst að deila leiktækjum þínum með þjóðinni. Til vitnis um það eru t.d. 3 ÞÚSUND MILLJÓN KRÓNU einkaþotan, 3 ÞÚSUND MILLJÓN KRÓNU 101 lystisnekkja ykkar hjóna ,2 ÞÚSUND MILLJÓN KRÓNU 101 Charlet skíðaskálinn ykkar í Frakklandi og ekki má gleyma lúxusíbúðinni ykkar í New York sem kostaðu vel yfir 3 ÞÚSUND MILLJÓN KRÓNUR.
 
Þú segir í grein þinni að þú eigir enga peninga á aflandseyjum og gefur til kynna að þú sért þar með nánast eignalaus maður. Það er auðvitað skelfilegt. Ekki er lengra síðan en árið 2007 þegar þú fékkst Tinu Turner til að syngja svo eftirminnilega „Simply the best“ í Mónakóveislunni frægu.
 
„Í draumi sérhvers manns er fall hans falið,“ orti skáldið. Vonandi þarftu ekki að fara í biðröð eftir matvælum eins og þúsundir Íslendinga þurfa að gera í dag, ég vona allavega að þú eigir fyrir Diet Coke.
 
Og þá erum við kominn að tilefni þessara bréfaskrifta.
 
Nýlega birtust opinberlega tölvupóstar sem voru í stefnu Glitnis á hendur þér þar sem þú pirrast yfir því hversu seint bankastjóri Glitnis bregst við tilmælum þínum að afhenda þér um 1000 milljónir á einkareikning þinn.
 
Orðrétt segir þú í póstum til bankastjóra almenningshlutafélagsins Glitnis:
 
„KláraGoldsmith ef þessu 1 milljarði sem ég átti að fá greitt þarf 250 að fara til að borga yfirdrátt hjá GLB prinsip mál að vera ekki með persónulegar skuldir á mér. Rest get ég í raun geymt hjá GLB þ.e.a.s. 750 þannig að net cash út hjá GLB er 1,2 til PH.“

"Þetta eru málin nenni ekki að bögga ykkur á hverjum degi með þessu enda ætlast ég til að CEO þessara félaga vinni sín mál ef við komum þessum málum frá þá er borðið mitt hreint. Annars er kannski best að ég verði starfandi stjórnarformaður GLB"
 
Þessir póstar gefa sterklega til kynna að þú hafir verið með litlar sem engar persónulegar skuldir í bankakerfinu enda sagðir þú svo eftirminnilega i viðtali við Viðskiptablaðið nýlega: „Ég er ekki umvafinn persónulegum ábyrgðum. Fólk þarf ekki að hafa áhyggjur af mér.“
 
Því langar mig að forvitnast hjá þér, Jón minn:
 
1. Arðgreiðslur til þín og fjölskyldu þinnar undanfarin 5 ár úr íslenskum eignarhaldsfélögum nema mörg þúsundum milljón króna – þetta eru raunverulegir peningar sem voru greiddir til þín úr íslenskum bönkum.
 
Skv. seinasta ársreikningi Gaums nam innleystur hagnaður hluthafa Gaums (þ.e. þú og fjölskylda þín) þúsundum milljónum króna.
 
Hvar eru þessir fjármunir í dag?
 
2. Arðgreiðslur úr eignarhaldsfélögum eiginkonu þinnar nema einnig mörg þúsund milljónum króna undanfarin ár. Í september 2008 – korteri fyrir hrun – greiðir bara eitt félaga hennar, ISP ehf., eiginkonu þinni 300 milljón krónur í arð skv. opinberum ársreikningi.
 
Hvar eru þessir fjármunir?
 
3. Ertu tilbúinn að upplýsa hvaða eignir þú geymir í félögum þínum í Lúxemborg – þau skipta tugum en ég spyr þig bara um þessi til að spara plássið:
Purple Holding.
Piano Holding.
Epping Holding.
Gaumur Holding.
 
Er eiginkona þín tilbúinn að upplýsa hvaða eignir hún geymir í Edmound Holding, en eins og þú veist flutti hún margvíslegar eignir þangað fyrir hrun skv. ársreikningum félagsins.
  
4. Hvaðan komu 1.5 þúsund milljón krónurnar sem þú lagðir fram árið 2008 til að kaupa fjölmiðlaveldið 365?  ´
 5. Hvaðan komu 1. þúsund milljónirnar sem þú lagðir fram um daginn til að trygga þér endanlega yfirráð yfir fjölmiðlaveldinu 365?
 
 
6. Hvaðan komu þær mörg þúsundir milljóna króna sem þú varst tilbúinn að leggja fram í tilboði þínu til Arion banka vegna Haga? 

7. Hvaðan munu peningarnir koma  til að opna 3 nýjar Bónus búðir í London sbr. fréttir þess efnis nýlega?
 
 
8. Hvar eru þessar 1. þúsund milljónir sem Pálmi vinur þinn Haraldsson var svo almennilegur að millifæra á einkareikning þinn eins og frægt er og má lesa um í stefnu Glitnis?
 
 9. Hvar er hagnaður ykkar hjóna á framvirkum hlutabréfasamningum og gjaldmiðlasamningum þar sem þið tókuð stöðu á móti íslensku krónunni sem nefndin minnist á í skýrslu sinni? Ljóst er að hann nemur þúsundum milljónum króna og veikti mjög íslensku krónuna vorið 2008 sem þjóðin er núna að súpa seyðið af?
 

Ætli ég láti þetta ekki duga að sinni en fagna orðum þínum að þú munir gera allt sem í þínu valdi stendur til að bæta fyrir mistök þín og leggja þitt af mörkum til að byggja upp Ísland að nýju.
 
En þá verða menn einnig að vera búsettir á Íslandi, Jón Ásgeir. Það kom fram í fjölmiðlum um daginn að þú og þín kona hafið ákveðið að flytja lögheimili ykkar til Bretlands og því ljóst að þær miklu skattahækkanir ríkisstjórnarinnar sem og hinn stórfelldi niðurskurður á öllum sviðum íslensks samfélags mun ekki bitna á þér og þinni fjölskyldu.
 
Eða mun „aðstoðin“ eingöngu verða í formi „hugskeyta“ til hinnar íslensku þjóðar ?
 
 
Virðingarfyllst,
Jón Gerald Sullenberger

Svar vegna lesendabréf þíns Jóhannes Jónssonar í Fréttablaðinu nú um daginn.

Sæll Jóhannes Jónsson.

Ég sé mig tilneyddan að svara lesendabréfi þínu sem þú ritaðir í dagblað ykkar feðga, Fréttablaðið í nóvember sl. þar sem þú kvartar yfir umfjöllun Morgunblaðsins á málefnum Haga og móðurfélagi þess 1998 ehf. Það er enginn að ráðast á fyrirtækið Hagar Jóhannes Jónsson.   Það er enginn að ráðast á það góða starfsfólk sem vinnur hjá Högum. það er verið að gagnrýna  að stuttu fyrir hrunið skulið þið- enn og aftur - fá tugi milljarða lán til að kaupa eina verðmætustu eign Baugs til ykkar sjálfs án þess að leggja fram krónu úr eigin vasa. Það er verið að gagnrýna þúsunda milljóna afskriftir til ykkar sama tíma og íslenskt samfélag berst í bökkum og þúsundir fjölskyldna sjá fram á að missa húsnæði sitt þar sem skuldir móðurfélags Haga, 1998 ehf. ásamt skuldum Haga eru um 50 milljarðar og það er stærðfræðilega útilokað að Hagar standi undir slíkum skuldum. Það er verið að gagnrýna að þið tókuð meira að segja það fjármagn sem Baugur fékk fyrir Haga í eigin vasa, þar sem þið létuð Baug kaupa af ykkur hlutabréfin í Baug enda félagið löngu orðið gjaldþrota á þessum tíma og hlutabréfin því verðlaus. Ég er ekkert hissa á því Jóhannes Jónsson að þér svíði þessi mikla umfjöllun um skuldastöðu ykkar feðga.   Það hlýtur að vera ansi sárt að standa frammi fyrir alþjóð með allt ykkar svokallaða viðskiptaveldi - hrunið til grunna,  með gríðarlegu tjóni fyrir íslenskt samfélag. Þjóðin er nefnilega búinn að átta sig á því  Jóhannes Jónsson, að öll ykkar viðskiptasnilld fólst bara í stórfelldum lántökum og svo enn meiri lántökum, gegndarlausu sukki og bruðli. Meira að segja brúðkaup aldarinnar árið 2007 hjá syninum virðist hafa verið "skuldsett yfirtaka" ef marka má fréttir DV undanfarið ! Bónusfeðgar stóðu einu sinni fyrir "ekkert bruðl". En þjóðin hefur vaknað og uppgötvað að Baugsmenn standa fyrir eitt mesta bruðl íslandssögunnar sbr.   þúsunda milljóna lúxusbátinn 101 , þúsunda milljóna skíðaskála í Frakklandi, þúsunda milljóna einkaþotur, þúsunda milljóna villur í New York, London og svo auðvitað stóra milljóna dollara húsið á Flórida ásamt ýmsum öðrum leiktækjum um allan heim svo sem þyrlum, Porche, Bugatti, Hummer og öðrum lúxusbílum og svo leynifélögum á Tortóla, Lúxemborg, Cayman eyjum og víðar. Og Monakó partýið fræga 2007 sem kostaði nokkur hundruð milljónir með Tinu Turner sem var ráðinn til að syngja "Simply the best" er auðvitað toppurinn á ruglinu,  enda hrundi allt ísland ári seinna ásamt öllu ykkar svokallaða "viðskiptaveldi" sem var ekkert annað en stærsta skuldsetning íslandssögunnar.
Bara FL Group tapaði 350 ÞÚSUND MILLJÓNUM króna 2008 sbr. fréttir og gjaldþrot Baugs er uppá 320 ÞÚSUND MILLJÓNIR króna. Samtals gera þetta 670 ÞÚSUND MILLJÓNIR og þá vantar öll hin Baugsfyrirtækin eins og Teymi,Nyhedsavisen,  365 miðlar, Landic Property, Dagsbrún, BYR, Glitnir sem öll eru kominn á hausinn. Til samanburðar eru islensku fjárlögin í kringum 450 þúsund milljónir sem eiga standa undir því að reka íslenskt samfélag fyrir 320,000 íslendinga. Græðgin var svo mikil og skuldsetningin svo brjálæðisleg að meira að segja gulleggið ykkar,  Bónus,  var lagt undir og maður skilur vel að það skuli svíða töluvert að mögulega munu þið feðgar missa það einnig frá ykkur og þá er nú stutt í fall 365 miðla sem Hagar halda uppi með auglýsingatekjunum. Þú talar um róginn og fráleitt að tengja þessi risa gjaldþrot við son þinn Jón Ásgeir Jóhannesson.  Innst inni veistu þó betur Jóhannes Jónsson. Þú ert búinn að standa í áralöngum málaferlum í Baugsmálinu þar sem viðskiptahættir sonar þíns Jóns Ásgeirs  voru opinberuð. Farðu bara á www.baugsmalid.is og horfðu t.d. á myndböndin sem yfir 200.000 islendingar hafa skoðað. Þar opinberast blekkingarnar, skjalafalsið, bókhaldsbrellurnar, leynifélögin og lepparnir sem hafa einkennt viðskiptahætti sonar þíns Jóns Ásgeir allan hans feril. Þegar hinn ótrúlegi  rekstrarkostnaður FL Group var 6.1 milljarður árið 2007 var sonur þinn Jón Ásgeir stjórnarformaður FL Group en sagði við fjölmiðla að hann vissi ekkert af þessum kostnaði ! Hans nánasti samstarfsfélagi, Pálmi Haraldsson,  spilar lykilhlutverk í Stím málinu og Sterling svikamyllunni og verður fróðlegt að sjá þegar lögreglan lýkur rannsókn sinni hvaða aðrir aðilar tengjast þessum stórfelldu glæpum.    Lepparnir hans Jóns Ásgeirs gerðu BYR gjaldþrota þar sem ungabörnum voru veitt lán frá Baugsbankanum Glitni. Glitnir fór á hausinn og stærstu skuldarar bankans ásamt stærstu skuldum peningasjóðs 9 þar sem almenningur geymdi sparifé sitt var "viðskiptasnillingurinn" Jón Ásgeir. Um daginn kom fram að Bjarni Ármannsson neyddist til að skila 650 milljóna gróða tilbaka þegar hann seldi hlutabréfin sín í Glitni en það kom fram fyrir dómi að Bjarni samdi um þennan makalausa siðlausa gerning við aðeins einn aðila:  Jón Ásgeir Jóhannesson sem stýrði öllu innan Glitnis eins og þú veist. Bjarni Ármannsson samdi EKKI við bankaráðið eða bankastjórnina - hann samdi einungis við son þinn Jón Ásgeir Jóhannesson. Og finnst þér nú ekkert skrýtið Jóhannes minn að sonur þinn Jón Ásgeir Jóhannesson sem notar hótanir og lögfræðideild sína miskunnarlaust gegn hverjum sem gagnrýnir hann eða fjallar um efni sem honum finnst óþægilegt, að þá hefur hann ALDREI séð ástæðu til að leiðrétta þær upplýsingar sem má finna á www.baugsmalid.is   ? Ekkert frekar en Jón Ásgeir Jóhannesson sá ekki ástæðu til að svara opnu bréfi frá mér í morgunblaðinu um sl.áramót þar sem ég bað hann að útskýra t.d. eiðsvarna framburði fyrrum stjórnarmanna almenningshlutafélagsins Baugs sem sögðu frá stórfelldum blekkingum Jóns Ásgeirs Jóhannesson,  ásamt endurskoðanda leynifélagsins Fjárfars ehf. sem sagði fyrir dómi hvernig bókhald félagsins var byggt á fölsuðum gögnum og hann hafi verið rækilega blekktur af Jóni Ásgeiri Jóhannesson?  Sá aðili fékk réttarstöðu grunaðs manns á tímabili og ákvað að hætta sem endurskoðandi. Hann starfar núna í eftirlitsdeild ríkisskattstjóra og eltir Jón Ásgeir Jóhannesson og aðra útrásarvíkinga og reynir að fá eitthvað af þeim þúsundum milljónum sem þessir virðulegu föðurlandsvinir hafa komið undan til erlendra skúffu fyrirtækja. En af hverju heyrist ekkert í syninum lengur Jóhannes minn ? Ætli skýringin sé ekki sú, að jafnvel færustu lögmenn geta ekki stöðvað sannleikann,  því sannleikurinn sigrar alltaf að lokum. Hvenær skyldi gamli kaupmaðurinn sem var alla tíð á móti þessu bruðli, sukki og svínarí einfaldlega viðurkenna fyrir sjálfum sér að viðskiptahættir sonarins eiga ekkert skylt við eðlilega, sanngjarna eða réttmæta viðskiptahætti ? Hvenær skyldi maðurinn sem þjóðin dáist að fyrir að hafa byggt upp Bónus og notið virðingar og velvildar hjá þjóðinni , vakna og horfast í augu við sannleikann ? Eða er þetta bara allt saman Davíð Oddsyni og Morgunblaðinu  að kenna Jóhannes Jónsson ?

Trúir þú því virkilega sjálfur ?

Virðingarfyllst,

Jon Gerald Sullenberger

Nýtt Myndband - Hagar Baráttan.

Kæru landar, 

Nú er verið að ganga frá Icesave málum þannig það er ljóst að Íslenska þjóðin þarf að borga næstu áratugina ævintýragang Landsbankamanna uppá hundruði milljarða.
 
Skuldir Baugsmanna slaga vel upp í Icesave ævintýrið eins og eftirfarandi myndband sýnir, en um helgina mun Kaupþings banki funda m.a. um framtíð Haga og þá hvort þessir herramenn fái að halda stærsta verslunarveldi íslandssögunnar og fá um leið tugi milljarða afskriftir.
 
Einföld stærðfræði segir manni að Hagar standa ekki undir 50-70  milljarða skuldum.
 
 í fréttum RÚV, 22.september 2009, kom fram að um 50% af þessu fræga 30 milljarða láni Kaupþingsmanna til Baugsmanna stuttu fyrir hrun Íslands, hafi verið notað til að LOSA Baugsmenn við hlutabréf sín í Baug , þ.e. Baugsmenn létu Baug kaupa af sér hlutabréfin í Baug "korteri" fyrir hrun Islands og "hálftíma" fyrir hrun Baugs.
 
Baugsmenn náðu því að selja EIGIN hlutabréf í gjaldþrota Baugi fyrir 15 milljarða með LÁNSFÉ úr Kaupþing banka.
 
Baugsmenn höfðu því talsverða fjármuni í vösunum þegar 365 miðlar fóru í gjaldþrot og loksins kominn skýring á því hvernig þeir fóru að borga 1.5 milljarð í nýtt hlutafé inn í það félag, það var ekki nema 10% af því fé sem þeir fengu þegar þeir seldu eigin hlutabréf í Baug með lánsfé frá Kaupþing banka.
 
Ég hvet alla fjölmiðla til að horfa á þetta video og spyrja sig einnar spurningar: 
 
Eftir allt sem á undan er gengið - er eðlilegt að þessir herramenn fái að halda bæði stærsta fjölmiðlaveldi íslandssögunnar sem og stærsta verslunarveldi islandssögunnar og hundraða þúsunda milljóna skuldir hverfi vegna "hókus pókus" lögfræði- og endurskoðunar kunnáttu þeirra að ekki sé talað um vildarvini þeirra í stjórnmála- og bankarkerfinu  ?
 
Er mögulegt að leyfa þeim að halda Bónus svo framarlega sem þeir komi með nýtt hlutafé en afgangurinn af veldinu verði skipt upp ?
 
Á heimasíðu Haga er þessu stærsta verslunarveldi íslandssögunnar svo lýst:
 
"Fyrirtæki Haga eru öll rekin sem sjálfstæð fyrirtæki og hafa þess vegna ólík rekstrarform og ólíka menningu".
 
ER EKKI KOMINN TÍMI Á NÝTT ÍSLAND ÞAR SEM HEILBRIGÐ SAMKEPPNI ÞRÍFST OG EÐLILEGIR VIÐSKIPTAHÆTTIR ?  http://www.youtube.com/watch?v=RIzZelotLY4  

Græðgi þessara manna hefur eyðilagt orðstír heillar þjóðar.     

Nýtt Ísland og heilbrigð skynsemi óskast

Jon Gerald Sullenberger

[e-mail] 

Var Exista kanski bara Hókus Pókus..........

Kæru landsmenn, nú berast okkur ótrúlegar fréttir af tapi Exista upp á rúmlega 200 þúsund milljónir.
Á meðfylgjandi skjali sjáið þið oftmat eigna Exista en þeir nota eins og frægt er svokallaða "Hlutdeildaraðferð" í bókhaldi sínu en fyrirtækið varð gjaldþrota fyrir löngu löngu síðan.
 
Launakostnaður Exista er 25 m evra 2008 á móti 29 m evra 2007 skv. uppgjörstölum félagsins.
 
Miðaða við meðalgengi á evrunni 127 kr. 2008 og 88 kr. kemur ansi athyglisverður hlutur í ljós: 
Launakostnaður mældur í kr. hækkaði frá 2,552 kr. fyrir 2007 upp í 3,175 m kr fyrir árið 2008 eða um 623 m kr. sem gera 24%. (á sama tíma fækkaði starfsmönnum úr 433 í 420 eða um 3%). 
 
Sem sagt, allt bendir til að æðstu stjórnendur innan Exista hafi verið ríkulega verðlaunaðir fyrir þetta tap. 

Á árunum 2004-2007 jókst velta Existu úr 23 milljörðum í 730 milljarða.
 
Til að setja þessa tölu í samhengi við stærðir í íslenskum þjóðarbúskap þá er
hún álíka og: - Verðmæti alls innflutnings og útflutnings vara á Íslandi
2007 eða -Nærri tvöföld útgjöld Ríkissjóðs.
 
 Hvernig var þetta hægt?
 
Á árunum 2003-2006 byggðust tekjur Exista að öllu leyti á hækkun hlutabréfa
Bakkavarar og Kaupþings í Kauphöllinni sem EXISTA átti.
 
 Á þessum árum jókst eigið fé EXISTU úr 12 milljörðum í 180 milljarða sem
byggðist á hagnaði vegna hækkanna á gengi hlutabréfa (109 milljarðar) og
yfirverði á kaupum á VÍS (66 milljarðar, sem voru borgaðir með hlutafé í
EXISTU). 
 
En þessi 180 milljarða tekjumyndun skilaði ekki krónu inní
fyrirtækið.
 
Þessar tekjur sem mynduðu hagnað og þar með eigið fé voru eingöngu tölur á
blaði, en útgjöldin voru raunverulegur kostnaður sem þurfti að greiða.
 
 Með góða eiginfjárstöðu var hægt að taka meiri lán ásamt því að sækja aukið
hlutafé til lífeyrissjóða og almennings til að greiða útgjöldin.
 
 Þannig má sjá á sjóðstreymi Exista á árunum 2003-2006 að þessari aðferð var beitt til
þess að velta rekstrinum áfram.                                                                                                                                                        Var Exista kanski bara Hókus pókus eftir  Sigurbjörn Svavarsson
sjá töflu:
http://duddi9.blog.is/blog/duddi/entry/954870/  

 

 

Ofmat eigna og eiginfjár Exista hf.
12/2004: Eignarhlutur í Kaupingi og fleiri skráum og óskr. Félögum	Bókfært verð Millj. kr.    61.354	Markasverð Millj. kr.     61.354	Mismunur í millj. kr.                                   0	Eigið fé skv. ársreikn.í millj.kr.  26.341	Eigiðfrádregnmismun í millj. kr.      26.341
12/2005: Eignarhlutur í Kaupingi og fleiri skráum og óskr. félögum	148.667	148.667	0	96.104	96.104
12/2006: Eignarhlutur í Kaupingi og fleiri skráum og óskr. félögum Viskiptavild VÍS	215.019        43.976      258.995	215.019    215.019	0         43.976         43.976	179.779	135.803
12/2007: Eignarhlutur í Kaupingi og fleiri skráum og óskr. félögum Viskiptavild	533.351        42.715     576.066	443.052    443.052	90.299       42.715     133.014	215.552	82.538
30.6.2008: Eignarhlutur í Kaupingi og fleiri skráum og óskr. félögum Viskiptavild	655.225        42.675      697.900	486.825    486.825	168.400          42.675          211.075	285.525	74.450
30.9.2008: Eignarhlutur í Kaupingi og fleiri skráum og óskr. félögum Viskiptavild	680.601      42.630      723.231	499.946      499.946	180.655          42.630           223.285	288.158	64.873

1             Breytt er um aðferð 2007 þegar hlutabréf fara að lækka.

         Hefiði átt að gjaldfæra mismuninn.

2             Ekki er ljóst hvort um er að ræða ólögmæta uppfærslu á viskiptavild.

3             Félagið er gjaldrota þegar uppgjör birtist 30.9. 2008 en eigið fé samt bókfært  á 288.158 millj. kr. 

 

Græðgi þessara manna hefur eyðilagt orðstír heillar þjóðar.  

Nýtt Ísland og heilbrigð skynsemi óskast   

Jon Gerald Sullenberger.

  

VARÚÐ HÆTTA Á FERÐ. Nú er auglýsingarherferð frá Iceland Express um ódýrar flugferðir til New York sumarið 2010.

Um daginn fór FONS í gjaldþrot og nema skuldir félagsins tugi þúsunda milljóna króna enda Pálmi Haraldsson í samkrulli með Baugsmönnum alla sína tíð - kröfur Glitnis í þrotabú FONS hleypur á tug þúsundum milljónum króna.
 
Það er allt glatað fé þar sem engar tryggingar eða veð voru fyrir hendi.
 
 
Þegar Sterling flugfélagið stefndi í þrot - var gripið á það ráð að auglýsa grimmt í dönskum fjölmiðlum um nýjar ferðir og ódýr flugsæti....tugþúsundir Dana létu blekkjast og keyptu sér ferðir.
 
Sterling fór svo í þrot sem eitt stærsta gjaldþrot Danmerkur.
 
Um 40.000 Danir misstu þar með flugsætin sín og sumarfríin sín. 
 
Um það má lesa hér:
http://ekstrabladet.dk/nationen/article1076622.ece
 
 
Stuttu fyrir gjaldþrot Fons, ákvað Pálmi Haraldsson að taka Iceland express útur Fons og setja í annað félag í hans eigu.
 
 
Nú er auglýsingarherferð frá Iceland Express um ódýrar flugferðir  til New York sumarið 2010.
 
og þúsundir íslendinga eru að kaupa sér ferðir og ljóst að Iceland Express fær verulegar tekjur Í DAG FYRIR FERÐIR SEM Á AÐ FARA Í SUMARIÐ 2010 !!!
 
 
TREYSTIR FÓLK ÞVÍ AÐ ICELAND EXPRESS MUNI LIFA AF NÆSTU 12 MÁNUÐI ?
 
FORSAGA PÁLMA HARALDSSONAR OG STERLING SVIKAMYLLAN ÆTTI AÐ KENNA FÓLKI AÐ FARA VARLEGA AÐ TREYSTA ÞESSUM MÖNNUM.
 
ÞVÍ ÞAÐ FÁST ENGAR ENDURGREIÐSLUR EF ICELAND EXPRESS FER Á HAUSINN !!!

Græðgi þessara manna hefur eyðilagt orðstír heillar þjóðar.     

 

Nýtt Ísland og heilbrigð skynsemi óskast

Jón Gerald Sullenberger.

 

BARBABRELLUR Kaupþing banki og Baugs Group með fyrirtækið Haga á Íslandi

Kæru Íslendingar, Myndböndin okkar um þá snúninga Baugs mann hafa fengið frábærar mótökur á youtube, það var sett saman svona til gamans stíl enda þessar fréttir af öllum  útrásar Group fyrirtækjunum Íslendinga undanfarin misseri reyfarakenndar og ekki batnar það með fréttum dagsins.   Nú er komið frá okkur nýtt myndband sem sýnir BARBABRELLUR Kaupþing banki og Baugs Group með fyrirtækið Haga á Íslandi sem á og rekur meðal annars Bónus, Hagkaup,10/11 og Húsasmiðjuna.  Íslensku bankarnir og Lífeyrisjóðir landsins lánuðu Bónus feðgum fyrir uppbyggingu Baugs Group, nú á að skylja allar skuldir Baugi Group eftir fyrir Íslensku þjóðina að borga.  Þeir eru búnir að taka mjólkurkúnna út úr Baugi Group Haga sem á og recur Bónus, Hagkaup og 10 / 11fyrir sig að hafa sem vasapening því ekki veitir af, það er dýrt að reka lúxus lífstíl sinn í London og New York.  Gjaldþrot Baugs er uppá 317 ÞÚSUND milljónir sem gera um 1 MILLJON á hvert mannsbarn á Íslandi.
 
Aðaleigandi þess stjórnar enn öllum fjölmiðlahluta Baugs ásamt öllum íslensku verslunum og býr nenn í 24 milljón dollara penthouse íbúð í dag, í New York í boði Íslensku þjóðarinnar.
 
Exista skuldar um 160 ÞÚSUND milljónir en aðaleigendur þess tóku lán frá Exista til að kaupa verðmætustu eign þess til síns sjálfs - Bakkavör.  Þar með eru ÖLL félögin sem tengjast þessum snillingum gjaldþrota.   Baugur, FL Group/Stoðir, Fons, Northern travel holding, Teymi, 365 o.sv.frv. og skilja eftir sig skuldir uppá hundruðir þúsundir milljónir.    Þeir ganga allir um bæinn eins og ekkert af þessu komi þeim við,  ætli  þeir fái virkilega að halda öllum villunum sínum, lúxusbílum, leiktækum sínum sem þjóðin situr uppi með að þurfa borga að lokum!  
Nýja myndbandið má sjá hér: http://www.youtube.com/watch?v=gVjR6SPEPpE Hægt er að nálgst fyrri myndbönd á  www.baugsmalid.is   Græðgi þessara manna hefur eyðilagt orðstír heillar þjóðar.     

Nýtt Ísland og heilbrigð skynsemi óskast

Með fyrirfram þökk og góðan dag.

Kveðja í bili. Jon Gerald Sullenberger

FL Group # 4 myndbandið.

 Kæru bloggvinir.

Hér kemur FL Group #4 myndbandið á Youtube. Myndböndin okkar um FL Group  hafa fengið yfir 100.000 views á youtube, það var sett saman svona til gamans stíl enda þessar fréttir af FL Group undanfarin misseri reyfarakenndar og ekki batnar það með fréttum dagsins.   Heildarskuldbindingar Baugs við innlenda kröfuhafa voru 1.100 milljónir punda í janúar á þessu ári, eða um 233 milljarðar króna á núverandi gengi. Allar erlendar eignir Baugs eru meira og minna veðsettar í botn.

"FL Group þjófnaðurinn nær hámarki þegar tilkynnt var í vikuni að Northern Travel Holding félagið sem "keypti" Sterling af FL Group sé gjaldþrota.   

Þar með eru ÖLL félögin sem tengjast þessum snillingum gjaldþrota. 

Baugur, FL Group/Stoðir, Fons, Northern travel holding, Teymi, 365 o.sv.frv. og skilja eftir sig skuldir uppá hundruðir þúsundir milljónir.    Þeir ganga allir um bæinn eins og ekkert af þessu komi þeim við,  ætli  þeir fái virkilega að halda öllum villunum sínum, lúxusbílum, leiktækum sínum sem þjóðin situr uppi með að þurfa borga að lokum! 
 En það eru fjölmargar spurningar sem eftir standa og því gerðum við FL Group Part 4.  FL Group 4 myndbandið má sjá hér: 

 

 

http://www.youtube.com/watch?v=FtOUNtgCG3I

  

Hægt er að nálgst fyrri myndbönd á  www.baugsmalid.is   

Græðgi þessara manna hefur eyðilagt orðstír heillar þjóðar.   

Nýtt Ísland og heilbrigð skynsemi óskast.

Jón Gerald Sullenberger

FL Group 3 hluti

Kæru fjölmiðlar, Myndböndin okkar um FL group  hafa fengið yfir 100.000 views á youtube, það var sett saman svona til gamans stíl enda þessar fréttir af FL Group undanfarin misseri reyfarakenndar og ekki batnar það með fréttum dagsins.  Féttir dagsins:  Stjórn Northern Travel Holding hefur óskað eftir gjaldþrotaskiptum hjá Héraðsdómi Reykjavíkur í dag.  "FL Group þjófnaðurinn nær hámarki þegar tilkynnt er í dag að Northern Travel Holding félagið sem "keypti" Sterling af FL Group sé gjaldþrota.   Þar með eru ÖLL félögin sem tengjast þessum snillingum gjaldþrota.   Baugur, FL Group/Stoðir, Fons, Northern travel holding, Teymi, 365 o.sv.frv. og skilja eftir sig skuldir uppá hundruðir þúsundir milljónir.    Þeir ganga allir um bæinn eins og ekkert af þessu komi þeim við,  ætli  þeir fái virkilega að halda öllum villunum sínum, lúxusbílum, leiktækum sínum sem þjóðin situr uppi með að þurfa borga að lokum!  
En það eru fjölmargar spurningar sem eftir standa og því gerðum við part 3 sem er nú kominn inná youtube.  FL Group 3 myndbandið má sjá hér: http://www.youtube.com/watch?v=UVPp9rj3S4A  FL Group 4 hluti væntanlegur með haustinu. Hægt er að nálgst fyrri myndbönd á  www.baugsmalid.is    

 

Græðgi þessara manna hefur eyðilagt orðstír heillar þjóðar.   

Nýtt Ísland og heilbrigð skynsemi óskast

Jón Gerald Sullenberger.